पूर्वीच्या काळी लोक पैसे घरात चोरी होतात म्हणून ठेवायचे नाहीत. पैसे सरळ उचलून बँकेत ठेवायचे. मात्र आजकाल बँकेतही एका मर्यादेनंतर पैसे सुरक्षित नाहीत असं वाटू लागलं आहे. असं म्हणण्यामागे नेमकं काय कारण आहे ते आधी सविस्तर समजून घेऊया. बँक बुडाली तर तुमच्या खात्यावर जी रक्कम जमा आहे त्यासाठी इंश्युरन्स काढलेला असतो. त्या नियमानुसार तुम्हाला 5 लाख रुपयांपर्यंतची रक्कम मिळू शकते. 5 लाख रुपयांपेक्षा जास्त रक्कम जर तुमची बँकेत असेल तर त्यावरील पैसे तुम्हाला मिळू शकत नाहीत.
advertisement
समजा तुमचे 10 लाख किंवा 8 लाख रुपये बँकेकडे जमा आहेत, बँक बुडाली तर तुम्हाला केवळ 5 लाख रुपयांपर्यंतची रक्कम मिळते. त्यावरील पैसे हे बँकेकडे किती संपत्ती शिल्लक आहे यावरुन ग्राहकांना किती रुपये द्यायचे याचे नियोजन केले जाते. बँकेचं देणं कमी असेल तर तुम्हाला पैसे मिळतील मात्र बँकेचं देणं जास्ती असेल तर पैसे मिळणार नाहीत. मग अशा परिस्थितीत सापडू नये यासाठी तुम्ही एकाच बँकेत 10 लाख रुपये जमा करण्याऐवजी 5-5 लाख रुपये दोन बँकांमध्ये जमा करू शकता. त्यामुळे रिस्क कमी होईल.
डीआईसीजीसीकडून मिळणाऱ्या इंश्युरन्सची रक्कम वाढवण्यात यावी 5 लाखवरुन 10 लाख रुपये करण्यात यावी यासाठी प्रस्ताव देण्यात आला आहे. RBI च्या बैठकीत यावर चर्चा होणार असून जूनमध्ये म्हणजे याच महिन्यात निर्णय येण्याची शक्यता आहे.