अमेरिकेत राहणारा भारतीय वंशाचा उद्योगपती विनय हिरेमठ (Vinay Hiremath) ची एक पोस्ट सध्या चर्चेत आली आहे. ऑनलाइन फ्री स्क्रीन रेकॉर्डिंग टूल उपलब्ध करून देणाऱ्या लूम (Loom)चा सह-संस्थापक विनयने २०२३ साली स्टार्टअपची विक्री केली होती. यातून विनयला ९७५ मिलियन डॉलर (तब्बल ८ हजार ४०० कोटी रुपये) मिळाले. लूमची खरेदी एटलसियनने केली होती. कंपनी विकल्यानंतर विनय झटक्यात अब्जोपती झाला. पण आता विनयला आयुष्यात काय करावे, असा प्रश्न पडल्याचे म्हटले आहे.
advertisement
व्हायरस आला अन् शेअर बाजार कोसळला, सर्वाधिक नुकसान कोणाचे झाले?
माझ्याकडे खुप पैसे आहेत. पण आता त्याचे काय करू हेच कळत नाहीय. आयुष्यात काय करायचे याचा अंदाज येत नाही. काही करायची इच्छा होत नाही. कंपनीची विक्री केल्यानंतर असे वाटू लागले आहे की, पैसे कमवण्याची किंवा स्टेटस मिळवण्याची कोणतीही इच्छा राहिली नाही. मला पूर्ण स्वातंत्र्य आहे. पण आता त्याचे काय करू असा प्रश्न पडला आहे.
OYO ने घेतला मोठा निर्णय, तुम्हाला रूम मिळणार की नाही ते एकदा वाचाच
विनय हिरेमठचा जन्म १९९१ साली झाला. युनिव्हर्सिटी ऑफ इलिनॉयस येथील शिक्षण २ वर्षात सोडल्यानंतर त्याने स्वत:चे स्टार्टअप सुरू केले. नंतर शहेद खान याच्यासोबत लूमची स्थापना केली. सहसंस्थापक आणि सीटीओ म्हणून मोठा निधी उभारला. त्याच्या नेतृत्वाखाली कंपनीचा युझर पेस ३ कोटीपेक्षा अधिक होता. २०२३ साली लूमची विक्री केली.
एलन मस्क सारखे व्हायचे होते, पण...
कंपनीची विक्री केल्यानंतर विनय रेडवुड्स मध्ये गेला आणि काही नवे करण्याचा प्रयत्न केला. पण गुंतवणुकदार आणि रोबोटिक्स एक्सपर्ट्सला फार प्रभावीत करू शकले नाहीत. त्यानंतर हिमालय प्रवासाला गेलेला विनय आजारी होऊन परतला. एका ब्लॉग पोस्टमध्ये तो म्हणतो की, मला एलन मस्क व्हायचे आहे. एलन मस्क आणि विवेक रामस्वामी यांच्याशी संपर्क करून एक नोकरी देखील मिळवली. पण चार आठवड्यात ते काम सोडले.
सध्या विनय हवाईला गेला असून तो फिजिक्सचा अभ्यास करतोय. एक कंपनी तयार करण्याची त्याची योजना आहे.