1950 सालापासून सुरू असलेला व्यवसाय
ललिता परांजपे यांनी सांगितलं की, 1950 साली आपल्या संसाराला हातभार लागावा म्हणून मंदाकिनी परांजपे यांनी भरतकामाबरोबरच पेंटिंगचे क्लासेस सुरू केले. सुरुवातीला काही जणींना शिकवण्यापासून सुरू झालेला हा उपक्रम हळूहळू वाढत गेला आणि आज त्याचा वटवृक्ष झाला आहे. या व्यवसायाची तिसरी पिढी यशस्वीरित्या हा वारसा पुढे नेत आहे. तीन पिढ्यांपासून हा क्लास सातत्याने सुरू असल्याने, या व्यवसायावरच संपूर्ण कुटुंबाचा डोलारा उभा आहे. या व्यवसायातून महिन्याला लाखभर उलाढाल होते.
advertisement
या भरतकाम क्लासने अनेक राष्ट्रीय पुरस्कार देखील मिळवले आहेत. विशेष म्हणजे परांजपे कुटुंबियांनी कोणत्याही प्रकारचा सोशल मीडियाचा मार्केटिंगसाठी वापर केला नाही. तरीही त्यांच्याकडे भरतकाम हस्तकला शिकण्यासाठी महिलांची मोठ्या प्रमाणात गर्दी असते. दिवसांतून त्यांच्या 4 पेक्षा अधिक बॅच असतात. त्यांनी बनवलेल्या वस्तूंना देखील राज्यभरातून मोठ्या प्रमाणात मागणी असते.