तुमच्या दैनंदिन जीवनातील अनेक महत्त्वाचे सरकारी आणि वित्तीय कामे पूर्ण करण्याची अंतिम मुदत आज संपत आहे. जर तुम्ही अद्याप ही आवश्यक कामे पूर्ण केली नसतील, तर आजच ती करून घ्या, कारण १ डिसेंबरपासून अनेक नियमांमुळे तुमचे व्यवहार आणि आर्थिक नियोजन बदलणार आहे. यामध्ये पेन्शन योजना, आयकर रिटर्न आणि एलपीजी गॅसच्या किमतींपर्यंत अनेक महत्त्वाच्या गोष्टींचा समावेश आहे.

advertisement

सरकारी कर्मचाऱ्यांसाठी पेन्शन योजना निवडण्याची शेवटची संधी

सरकारी कर्मचाऱ्यांसाठी युनिफाईड पेन्शन स्कीम निवडण्याची अंतिम मुदत आज ३० नोव्हेंबर आहे. यापूर्वी ही तारीख ३० सप्टेंबर होती, पण ती वाढवण्यात आली होती. यूपीएस ही एनपीएस पेक्षा वेगळी योजना आहे आणि ती निवडण्याची संधी मर्यादित वेळेसाठीच आहे. जर कोणत्याही कर्मचाऱ्याला या योजनेचा लाभ घ्यायचा असेल, तर त्याला १ डिसेंबरपूर्वी अर्ज करणे बंधनकारक आहे.

पेन्शनधारकांसाठी 'जीवन प्रमाणपत्र' जमा करण्याची मुदत

पेन्शन घेणाऱ्या सर्व नागरिकांना दरवर्षी आपले जीवन प्रमाणपत्र जमा करावे लागते. यावर्षी लाइफ सर्टिफिकेट जमा करण्याची शेवटची तारीख देखील ३० नोव्हेंबर आहे. जर तुम्ही वेळेत हे प्रमाणपत्र जमा केले नाही, तर १ डिसेंबरपासून तुमची पेन्शन थांबवली जाऊ शकते. आनंदाची गोष्ट म्हणजे, डिजिटल लाइफ सर्टिफिकेट द्वारे हे प्रमाणपत्र घरबसल्याही बनवता येते.

HSRP number plate: तुमच्याकडे फक्त 24 तास! ही शेवटची संधी घालवली तर 10 हजार भरायला तयार राहा

Tax संबंधित कामे पूर्ण करा

विविध करदात्यांसाठी ३० नोव्हेंबर ही अनेक महत्त्वाची कामे करण्याची अंतिम मुदत आहे. ज्यांचे ऑक्टोबर २०२५ मध्ये टीडीएस कापले गेले आहेत, त्यांनी कलम १९४-IA, १९४-IB, १९४M आणि १९४S अंतर्गत विवरण जमा करणे आवश्यक आहे. याशिवाय, ज्या करदात्यांना कलम ९२E अंतर्गत अहवाल (Report) जमा करायचा आहे, ते देखील ३० नोव्हेंबरपर्यंत ITR दाखल करू शकतात.

LPG सिलिंडरच्या किमती होणार अपडेट

दर महिन्याच्या पहिल्या तारखेला तेल मार्केटिंग कंपन्या एलपीजी गॅस सिलिंडरच्या किमतींचा आढावा घेऊन त्यात सुधारणा करतात. त्यामुळे, १ डिसेंबरला देखील घरगुती आणि व्यावसायिक गॅस सिलिंडरचे दर अपडेट केले जातील. १ नोव्हेंबर २०२५ रोजी व्यावसायिक गॅस सिलिंडरच्या किमतीत ६.५० रुपयांपर्यंतची कपात करण्यात आली होती.

विमान इंधनाचे दर बदलणार

एलपीजी (LPG) प्रमाणेच, तेल मार्केटिंग कंपन्या एटीएफ म्हणजेच विमान इंधनाच्या किमतींमध्ये देखील बदल करतात. यामुळे, १ डिसेंबरला एटीएफच्या किमतींमध्ये वाढ होते की प्रवाशांना काही दिलासा मिळतो, याकडे विमान कंपन्यांचे लक्ष लागून राहिले आहे.