पाटणा: बिहार विधानसभा निवडणुकीत सर्वाधिक चर्चा असलेल्या मतदारसंघापैकी एक मोकामा मतदारसंघ आहे. येथे जेडीयूचे (JDU) उमेदवार अनंत सिंह विरुद्ध आरजेडी (RJD) उमेदवार वीणा देवी यांच्यात लढत होत आहे. अनेक कारणांमुळे ही निवडणूक राज्यात नव्हे तर संपूर्ण देशात चर्चेत आहे.
advertisement
मोकामा मतदारसंघात 25 फेऱ्यांची मतमोजणी होणार आहे, त्यापैकी 5 फेऱ्यांची मतमोजणी (काउंटिंग) पूर्ण झाली आहे. या 5 फेऱ्यांनंतर जेडीयूचे (JDU) उमेदवार अनंत सिंह हे त्यांचे प्रतिस्पर्धी आणि आरजेडी (RJD) उमेदवार वीणा देवी यांच्यापेक्षा 5546 मतांनी पुढे (आगे) आहेत. विशेष म्हणजे वीणा देवी या बाहुबली नेते सूरजभान सिंह यांच्या पत्नी आहेत. सध्या अनंत सिंह यांच्या निवासस्थानी ढोल-ताशे वाजायला सुरुवात झाली आहे. ज्यामुळे त्यांच्या कार्यकर्त्यांमध्ये उत्साहाचे वातावरण दिसत आहे.
यंदाच्या निवडणुकीत सर्वाधिक चर्चेत राहिलेली जागा म्हणजे मोकामा. या मतदारसंघाची चर्चा दोन प्रमुख कारणांमुळे देशभर झाली पहिले येथे एकमेकांच्या समोर दोन बाहुबली उमेदवार रिंगणात होते आणि दुसरे दुलारचंद यादव हत्याकांडाची पार्श्वभूमी. या कारणांमुळे पहिल्या टप्प्याच्या मतदानापूर्वीच मोकामाने सर्वांचे लक्ष वेधून घेतले होते. आता निकालापूर्वी पुन्हा एकदा मोकामा चर्चेच्या केंद्रस्थानी आला असून यामागचे कारण म्हणजे दोन्ही उमेदवारांनी आयोजित केलेला महाभोज.
घरात लाखो लोकांसाठी मेजवानीची तयारी
जेडीयूचे उमेदवार आणि बाहुबली नेते अनंत सिंह यांच्या पटना येथील घरात गेल्या दोन दिवसांपासून भव्य महाभोजाची तयारी सुरू आहे. मोठे टेंट उभारले गेले आहेत आणि स्वयंपाकासाठी 12 मोठे चुली सतत पेटलेले आहेत. अनंत सिंह यांनी आपल्या समर्थकांच्या मेजवानीसाठी तब्बल 1 लाख लोकांना निमंत्रण दिले असून 2 लाखांपेक्षा जास्त रसगुल्ले तयार केले जात आहेत.
लंडनमध्ये असलेले अनंत सिंह यांचे पुत्र व्हिडिओ कॉलद्वारे संपूर्ण तयारीवर लक्ष ठेवत आहेत. मेजवानीमध्ये पुरी-भाजी, पुलाव, रायता, चटणी आणि मिठाईत खास रसगुल्ला ठेवण्यात आला आहे.
10 वाजल्यापासून महाभोज
अनंत सिंह यांच्या पटना येथील घराच्या परिसरात 23 हजार स्क्वेअर फूट क्षेत्रफळावर मांडव उभारण्यात आला आहे. राहण्यापासून जेवणापर्यंत सर्व सोयी उपलब्ध करून देण्यात आल्या आहेत. समर्थकांचा दावा आहे की अनंत सिंह मोठ्या मताधिक्याने विजयी होत आहेत आणि याच आनंदात मेजवानीचे निमंत्रण आधीच वाटले गेले आहे.
मोठ्या संख्येने हलवाई येथे मिठाई तयार करण्यासाठी तैनात करण्यात आले आहेत. तीन प्रकारच्या मिठाया बनत असून त्या तयार करण्यासाठी दोन टँकर दूध मागवले गेले आहे. काल संध्याकाळपासून मुख्य पदार्थ तयार होण्यास सुरुवात झाली.
एक समर्थकाने सांगितले की:
20,000 लिटर दूध – 6 लाख रुपये
4 टन बटाटे – 80 हजार रुपये
3 टन फुलकोबी – 1.20 लाख रुपये खर्च करण्यात आले आहेत.
हलवाईने सकाळपासून पुरी बनवणे काम सुरू केले आहे. महाभोजाला सकाळी 10 वाजल्यापासूनच सुरू होणार आहे.
जेलमधून घेत आहेत सर्व अपडेट्स
सूत्रांच्या माहितीनुसार अनंत सिंह सध्या सामान्य कैद्यांप्रमाणेच आठवड्यातून एकदाच भेटण्याची परवानगी असलेल्या बेऊर जेलमध्ये बंद आहेत. तरीही त्यांच्या समर्थकांकडून त्यांना मेजवानीच्या सर्व तयारीची सविस्तर माहिती पोहोचवली जात आहे. आवास, सुरक्षा, स्वयंपाक आणि सर्व सुविधांची माहिती त्यांच्यापर्यंत पोहोचवली जात आहे.
अनंत सिंह यांनी सोशल मीडियावरून समर्थकांना मेजवानीसाठी निमंत्रणही पाठवले आहे. त्यांच्या फेसबुक पेजवर लिहिले होते — “मोकामा विधानसभा क्षेत्रातील सर्व NDA कार्यकर्ते, समर्थक आणि शुभचिंतकांसाठी आमंत्रण. आपण सर्व आदरपूर्वक आमंत्रित आहात. २५ ते ३०, पुन्हा एकदा नितीश!”
2005 पासून चार वेळा ठरलेले विजेते
अनंत सिंह 2005 पासून मोकामाचे चार वेळा आमदार राहिले आहेत. त्यांनी दोनदा JDU, एकदा RJD आणि एकदा अपक्ष म्हणून विजय मिळवला. मात्र AK-47 रायफल प्रकरणात ते अयोग्य ठरले.
2022 मध्ये झालेल्या पोटनिवडणुकीत त्यांच्या पत्नी नीलम देवी RJDच्या तिकीटावर विजयी झाल्या. 2005च्या निवडणुकीपूर्वी अनंत सिंह AK-47 प्रकरणातून निर्दोष ठरले आणि यंदा पुन्हा निवडणूक लढवत आहेत. सध्या ते दुलारचंद यादव हत्याकांडात आरोपी असून 1 नोव्हेंबरला पोलिसांनी त्यांना अटक केली. पोलिसांच्या तपासात अनंत सिंह घटनास्थळी उपस्थित असल्याचा दावा करण्यात आला आहे.
मोकामामध्ये 64.77% मतदान
पहिल्या टप्प्यात मोकामा मतदारसंघात 64.77% मतदान झाले. येथे जेडीयूचे अनंत सिंह आणि पूर्व सांसद बाहुबली सूरजभान सिंह यांच्या पत्नी वीणा देवी यांच्यात जोरदार मुकाबला आहे.