TRENDING:
नेमकं कारण काय?
१९ जानेवारीपासून प्रजासत्ताक दिनाच्या परेडची मुख्य तालीम सुरू झाली आहे. विजय चौक ते इंडिया गेट आणि कार्तव्य पथ या परिसरात सकाळी १०:०० ते दुपारी १२:३० या वेळेत कडक निर्बंध लागू करण्यात आले आहेत. विजय चौकाकडून इंडिया गेटकडे जाणारा मार्ग पूर्णपणे बंद ठेवण्यात आल्याने त्याचा ताण पर्यायी मार्गांवर आणि प्रामुख्याने दिल्ली-मेरठ एक्स्प्रेस वेवर पडला आहे.
advertisement
'नो टॉलरन्स झोन'मध्येही अडकली चाकं
दिल्ली वाहतूक पोलिसांनी शहरातील ६ महत्त्वाची ठिकाणे 'झिरो टॉलरन्स झोन' म्हणून घोषित केली आहेत. आनंद विहार बसस्थानकासारख्या भागात बेकायदेशीर पार्किंग आणि रिक्षांच्या गर्दीमुळे होणारी कोंडी फोडण्यासाठी पोलीस तैनात आहेत. मात्र, परेड रिहर्सलमुळे मध्य दिल्लीतील वाहतूक वळवण्यात आल्याने पूर्व दिल्लीतील मार्गांवर प्रचंड ताण आला आहे.
वाहनचालकांनो, हे मार्ग टाळा!
वाहतूक पोलिसांनी जारी केलेल्या 'ट्रॅफिक अॅडव्हायझरी'नुसार, २१ जानेवारीपर्यंत सकाळी १० ते दुपारी १ वाजेपर्यंत विजय चौक, कार्तव्य पथ आणि इंडिया गेट परिसरातील रस्ते टाळण्याचा सल्ला देण्यात आला आहे. त्याऐवजी प्रवाशांनी मेट्रोचा वापर करावा किंवा पर्यायी मार्गांचा अवलंब करावा, असे आवाहन करण्यात आले आहे.