'या' देशात आहे सगळ्यात जास्त महागाई, या यादीत भारत कितव्या नंबरवर?

जगातील मोठ्या अर्थव्यवस्थांची आकडेवारी पाहिली तर सध्या भारतात ते कमी आहे. दरम्यान, जगातील कोणत्या देशाला महागाईचा सर्वाधिक फटका बसला आहे ते जाणून घेऊया.

महागाई म्हणजे काय?

सर्वप्रथम आपण समजून घेऊया की महागाईची व्याख्या काय आहे? महागाई ही बाजाराची अशी स्थिती आहे जिथं वस्तू आणि सेवांच्या किंमती सतत वाढत असतात. अशा परिस्थितीत कमी वस्तू खरेदी करण्यासाठीही जास्त पैसे खर्च करावे लागते.

advertisement

जगातील हा देश करतोय महागाईचा सामना

जगातील महागाईने अर्जेंटिनातील लोकांना सर्वाधिक त्रास दिला आहे. वर्ल्ड ऑफ स्टॅटिस्टिक्सने सोशल मीडिया प्लॅटफॉर्म X वर एक यादी जारी केली आहे, ज्यामध्ये कोणत्या देशात सर्वाधिक महागाई आहे हे सांगण्यात आले आहे. या यादीत अर्जेंटिना पहिल्या क्रमांकावर आहे. जिथे महागाई दर 272 टक्के आहे, म्हणजेच भारतापेक्षा 60 पट जास्त आहे. तुम्ही हे अशा प्रकारे समजू शकता की इथे प्रत्येक गोष्टीसाठी भारतापेक्षा 60 पट जास्त किंमत मोजावी लागते.

याशिवाय, महागाईच्या बाबतीत टॉप 10 देशांबद्दल बोलायचं झालं तर अर्जेंटिना, सीरिया, तुर्की, लेबनॉन, व्हेनेझुएला, नायजेरिया, इजिप्त, पाकिस्तान, बांगलादेश आणि रशिया आहेत.

भारत कितव्या क्रमांकावर आहे?

भारताबद्दल बोलायचे झाले तर अहवालानुसार, भारत महागाईच्या बाबतीत जगात 13 व्या स्थानावर आहे, जिथे महागाईचा दर 5.08 टक्के आहे. जर आपण भारताच्या शेजारी देश पाकिस्तान आणि बांगलादेशबद्दल बोललो तर ते या यादीतील टॉप-10 देशांमध्ये समाविष्ट आहेत.

हा देश दुसऱ्या क्रमांकावर

या यादीत सीरिया दुसऱ्या क्रमांकावर आहे. सीरियामध्ये चलनवाढीचा दर 140 टक्के आहे. या यादीत तुर्किये तिसऱ्या स्थानावर आहे. जेथे चलनवाढीचा दर 71.6 टक्के, लेबनॉन 51.6 टक्के, व्हेनेझुएला 51.4 टक्के, नायजेरिया 34.19 टक्के, इजिप्त 27.5 टक्के, पाकिस्तान 12.6 टक्के, बांगलादेश 9.72 टक्के आणि रशिया 8.6 टक्के आहे.