TRENDING:
हिंदू धर्मात ज्येष्ठ महिना खूप महत्त्वाचा मानला जातो. ज्येष्ठ महिना भगवान विष्णूंना खूप प्रिय असून या महिन्यात श्री हरीची विशेष पूजा देखील खूप महत्त्वाची आहे. भगवान विष्णूंना समर्पित या महिन्यात, आपल्या घरी एखादा छोटा राजपुत्र जन्माला आला असेल किंवा येणार असेल तर त्या मुलाचे नाव विष्णूच्या नावावर ठेवू शकता. विष्णू देवाशी थेट संबंधित असलेले नाव ठेवू शकता. यामुळे विष्णू देवाचे आशीर्वाद तुमच्या मुलावर नेहमी राहतील. श्री हरी विष्णूपासून प्रेरित काही नावे जाणून घेऊ.
advertisement
विष्णूशी संबंधित नावांची यादी -
चक्रपाणी: हे विष्णूचे नाव असून हातात चक्र धारण केलेला असा त्याचा अर्थ आहे.
श्रीपती: श्रीपती म्हणजे लक्ष्मीमातेचा पती.
हरी: विष्णूच्या नावांपैकी असलेले हरी हे एक नाव आहे. ते विष्णूचे सौंदर्य दर्शवते.
केशव: हे विष्णूचा अवतार कृष्णाचे नाव आहे, ज्याचा अर्थ "सुंदर केस असलेला" असा आहे.
माधव: हे कृष्णाचे नाव आहे, विष्णूचा अवतार, तो प्रेम आणि स्नेहाचे प्रतीक आहे.
मुरारी: हे विष्णूचा अवतार कृष्णाचे आणखी एक नाव आहे.
अच्युत: या नावाचा अर्थ सतत किंवा कधीही नष्ट न होणारा असा आहे. विष्णूच्या अमरत्वाचे प्रतीक आहे.
हृषिकेश: हे देखील विष्णूचे नाव आहे, ज्याचा अर्थ इंद्रियांचा स्वामी असा आहे.
गुरूचा महिमा, शुक्राचा पैसा! 5 जूनपासून या राशींवर डबल कृपादृष्टी; डंका वाजणार
आणखी काही नावे -
प्रणव- हे नाव पवित्र ध्वनी, भगवान विष्णूशी संबंधित आहे.
रिआंश- यश मिळविण्यासाठी दृढनिश्चयी व्यक्ती.
विठ्ठल- या नावाचा अर्थ समृद्धी देणारा म्हणजेच विष्णू असा आहे.
हृदेव- भगवान विष्णूशी संबंधित नाव.
प्रद्युम्न - अत्यंत शक्तिशाली, तेजस्वी, कामदेवाचा अवतार. प्रद्युम्न हे कृष्णाचे पुत्र आणि विष्णूच्या व्युहातील एक रूप आहे. हे नाव सामर्थ्य, सौंदर्य आणि आकर्षण दर्शवते.
उपेंद्र - इंद्राचा धाकटा भाऊ, विष्णूचा एक अवतार (वामन). उपेंद्र हे विष्णूच्या वामन अवताराचे नाव आहे, ज्यांनी राजा बळीपासून स्वर्ग परत मिळवला. हे नाव पराक्रम आणि नम्रता दर्शवते.
बेडरूम नावालाच, तिथं कधीच आराम-शांतता मिळत नाही; या दिशा त्यासाठी पूर्णपणे अशुभ
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)