मतदान संपलं आता टेन्शन रिजल्टचं? 16 जानेवारी 'या' राशीच्या उमेदवारांसाठी खास; हमखास येणार निवडून

राज्यातील निवडणुकांचा धुराळा उडाला असून मतदानाची प्रक्रिया नुकतीच पार पडली आहे. आता सर्वत्र चर्चा आहे ती फक्त निकालाची. उमेदवार आणि त्यांच्या समर्थकांच्या मनात निकालाची धाकधूक असतानाच, ज्योतिषशास्त्रीय दृष्टिकोनातून 16 जानेवारी 2026 हा दिवस अत्यंत महत्त्वाचा ठरणार आहे. या दिवशी ग्रहांचा सेनापती 'मंगळ' मकर राशीत प्रवेश करत असून, तिथे आधीच उपस्थित असलेल्या सूर्य आणि शुक्रामुळे 'त्रिग्रही योग' आणि 'रुचक राजयोग' तयार होत आहे.

मेष (Aries): राजकीय वर्चस्व वाढणार मेष राशीच्या उमेदवारांसाठी मंगळाचे मकर राशीतील गोचर अत्यंत फलदायी ठरणार आहे. तुमच्या दहाव्या स्थानी असलेला हा ग्रह तुम्हाला नेतृत्व मिळवून देईल. मतदारांमध्ये तुमची प्रतिमा उंचावलेली असेल आणि विजयाची खात्री आज निकालातून मिळेल.

मिथुन (Gemini): जनसंपर्काचा फायदा बुध आणि शुक्राची युती तुमच्यासाठी अनुकूल आहे. तुमच्या संवादकौशल्यामुळे आणि केलेल्या प्रचाराच्या धोरणामुळे तुम्ही विरोधकांना मात देण्यात यशस्वी व्हाल. अनपेक्षित मते तुमच्या पारड्यात पडण्याची दाट शक्यता आहे.

कन्या (Virgo): कष्टाचे चीज होणार कन्या राशीचे उमेदवार त्यांच्या शिस्तबद्ध नियोजनासाठी ओळखले जातात. आज भाग्याची साथ मिळाल्याने विजयाची माळ तुमच्या गळ्यात पडू शकते. विशेषतः महिला उमेदवारांसाठी आजचा निकाल सुखावह असेल.

धनु (Sagittarius): आत्मविश्वास देईल यश आज चंद्र तुमच्याच राशीत असल्याने तुमचा आत्मविश्वास शिखरावर असेल. राजकीय वर्तुळात तुमची नवी ओळख निर्माण होईल. केवळ विजयच नाही, तर मोठ्या फरकाने निवडून येण्याचे योग तुमच्या राशीत दिसत आहेत.

मीन (Pisces): नशिबाची पूर्ण साथ मीन राशीच्या लोकांसाठी शनी आणि गुरूची स्थिती पोषक आहे. तुम्हाला जनसामान्यांकडून मोठे समर्थन मिळाल्याचे आज निकालातून स्पष्ट होईल. तुमच्या संयमी स्वभावाचा फायदा मतदारांनी तुम्हाला दिला आहे. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)