TRENDING:ShaniDev: मिथुन, कर्कसहित 4 राशीवाल्यांना वाईट दिवस; शनिचा बदललेला मार्ग नवी संकटे आणेल
- Published by:Ramesh Patil
Last Updated:
Shani Astrology: 29 मार्च 2025 नंतर आता 28 नोव्हेंबर 2025 रोजी शनिच्या स्थितीत पुन्हा बदल होत आहे. मीन राशीत असलेला शनी आता सरळ मार्गी होणार आहे. वैदिक ज्योतिषशास्त्रानुसार, शनी ग्रह जेव्हाही आपली स्थिती बदलतो तेव्हा त्याचा परिणाम मेष ते मीन पर्यंतच्या सर्व 12 राशींवर होतो, शनिची सरळ मार्गी स्थिती महत्त्वाची मानली जाते. या स्थितीचा 2026 पर्यंत प्रभाव राहील. शनिच्या सरळ मार्गी गतीचा चार राशींवर विशेष परिणाम होईल. या राशींना विविध अडचणी येऊ शकतात, नीट सुरू असलेल्या गोष्टीही विस्कळीत होऊ शकतात.
advertisement
1/6
मिथुन - शनीच्या सरळ मार्गी होण्याचा मिथुन राशीला त्रास होईल. मिथुन राशीच्या लोकांनी या काळात कोणतेही आर्थिक व्यवहार टाळावेत, कारण यामुळे समस्या उद्भवू शकतात. गुंतवणूक करायची असेल तर तज्ञांचा सल्ला घ्या. शनीच्या स्थितीमुळे मिथुन राशीच्या खर्चात वाढ होण्याचे संकेत आहेत. तुमचे आर्थिक व्यवस्थापन काळजीपूर्वक करणे महत्त्वाचे आहे. या काळात मिथुन राशीच्या लोकांना आरोग्याशी संबंधित समस्या येऊ शकतात.
advertisement
2/6
कर्क - शनिच्या स्थितीमुळे कर्क राशीच्या लोकांच्या जीवनात चढ-उतार येतील. या काळात करिअर बदलावे लागू शकते. कठोर परिश्रम आणि प्रयत्न असूनही, यश सहज मिळणार नाही. कामाचा दबाव किंवा सक्ती वाढू शकते आणि जबाबदाऱ्या देखील वाढू शकतात.
advertisement
3/6
कर्क - कौटुंबिक जबाबदाऱ्यांचा भार पडू शकतो, ज्यामुळे आणखी संघर्ष होऊ शकतो. या काळात कुटुंबातील वृद्ध सदस्यांच्या, विशेषतः पालकांच्या आरोग्याकडे विशेष लक्ष दिले पाहिजे. व्यवसायातील नियम आणि कायदे पाळणे गरजेचे असेल, अन्यथा समस्यांना सामोरे जावे लागू शकते.
advertisement
4/6
वृश्चिक - शनिच्या स्थितीचा वृश्चिक राशीच्या लोकांवर परिणाम दिसेल. पालकांशी किंवा शिक्षकांशी वाद होऊ शकतात. या काळात तुमच्या वडिलांच्या आरोग्याकडे विशेष लक्ष द्या. सभोवतालच्या लोकांपासून सावध राहावे, फार आवश्यक असल्यासच इतरांचा सल्ला घ्यावा. या राशीच्या नोकरदार व्यक्तींनी कामावर लक्ष केंद्रित करावे, वरिष्ठांशी वाद घालणे टाळावे, कारण यामुळे समस्या उद्भवू शकतात. जर तुम्ही स्वतःचा व्यवसाय सुरू करण्याचा विचार करत असाल तर काही काळ थांबा.
advertisement
5/6
धनू - शनीच्या सरळ चालीमुळे धनु राशीवर मिश्र परिणाम होतील. धनु राशीला आरोग्याच्या समस्यांना तोंड द्यावे लागू शकते, आर्थिक समस्या तुमच्या अनेक कामांमध्ये अडचणी आणू शकतात. व्यावसायिक जीवनात तुम्हाला चढ-उतारांना सामोरे जावे लागेल; रागावर ताबा ठेवणं फायदेशीर ठरेल.
advertisement
6/6
धनू राशीच्या लोकांची यामुळे आर्थिक परिस्थिती फारशी चांगली नसण्याची शक्यता आहे. या काळात मित्रांसोबत कोणतेही गुपित शेअर करणे टाळा, कारण बदनामी होण्याचा धोका आहे.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
मराठी बातम्या/फोटोगॅलरी/राशीभविष्य/
ShaniDev: मिथुन, कर्कसहित 4 राशीवाल्यांना वाईट दिवस; शनिचा बदललेला मार्ग नवी संकटे आणेल