Rich Peoples Horoscope: या आहेत जगातील श्रीमंत लोकांच्या राशी! मेहनतीच्या जोरावर मिळवली कोट्यवधींची संपत्ती
- Published by:Ramesh Patil
- trending desk
Last Updated:
Rich Peoples Horoscope: जगातल्या धनाढ्य, यशस्वी आणि श्रीमंत व्यक्तींकडे पाहिलं की या व्यक्तींची रास कोणती असेल असा प्रश्न अनेकांना पडतो. ज्योतिषशास्त्रनुसार कोणतीही व्यक्ती यशस्वी होण्यामागे केवळ रास हा एकमेव घटक नसतो, तर त्याची कुंडली आणि त्यातले ग्रहयोगदेखील त्यासाठी कारणीभूत ठरतात. सध्याच्या काळात एलॉन मस्क, रिलायन्सचे सर्वेसर्वा मुकेश अंबानी यांच्यासारख्या यशस्वी आणि श्रीमंत व्यक्तींच्या कुंडलीतले ग्रहयोग आणि राशीचा परिणाम त्यांच्या व्यावसायिक जीवनावर झाल्याचं दिसतं. ज्योतिषशास्त्रानुसार 12 राशी असतात. त्यांपैकी तीन राशी धनवान बनवणाऱ्या असतात. या राशीच्या व्यक्ती श्रीमंत होऊ शकतात. या राशींविषयी सविस्तर जाणून घेऊ या.
advertisement
1/5
वैदिक ज्योतिषशास्त्रात बारा राशींचा उल्लेख आहे. जेव्हा बाळाचा जन्म होतो, त्या जन्मवेळी चंद्र ज्या राशीत असतो ती त्या बाळाची रास ठरते. तसंच पाश्चिमात्य देशात रविकुंडलीवरून भविष्यकथन केलं जातं. त्या वेळी सूर्य अर्थात रवी ज्या राशीत असतो, ती त्या बाळाची जन्मरास होते.
advertisement
2/5
राशीचा प्रत्येक व्यक्तीचं व्यक्तिमत्त्व, स्वभाव आणि जीवनावर खोलवर परिणाम होतो. यावरून भविष्यातल्या घटनांविषयी अंदाज बांधता येतो. काही राशी अशा आहेत, ज्या राशीवर जन्म घेणाऱ्या व्यक्ती भविष्यात श्रीमंत, धनवान होऊ शकतात. त्या समाजात मोठं नाव कमावतात. जगातल्या यशस्वी आणि श्रीमंत व्यक्तींच्या राशी याच आहेत.
advertisement
3/5
मेष : जीवनात जोखीम कशी घ्यायची याचं अचूक ज्ञान मेष राशीच्या व्यक्तींकडे असतं. ते साहसी वृत्तीचे असतात. तसंच ते नशीबवानदेखील असतात. त्यांना कायम नशिबाची साथ मिळते. त्यामुळे ते जोखीम स्वीकारायला मागेपुढे पाहात नाहीत आणि यशस्वी होतात. या व्यक्तींकडे धैर्य चांगलं असतं. त्यामुळे कोणत्याही परिस्थितीचा ते यशस्वीपणे सामना करतात आणि श्रीमंत होतात. रिलायन्स इंडस्ट्रीजचे मालक मुकेश अंबानी यांची रास मेष आहे.
advertisement
4/5
मिथुन : मिथुन राशीच्या व्यक्ती बुद्धिमान असतात. त्या शिक्षणात अव्वल असतात. त्या बुद्धिमत्तेच्या जोरावर जीवनात यश मिळवतात. या व्यक्ती प्रत्येक काम प्रामाणिकपणे करतात. बिझनेस माइंडेड असल्याने पैसा कसा कमवायचा याचं त्यांना अचूक ज्ञान असतं. या व्यक्ती व्यवसायात चांगली प्रगती करतात आणि नाव कमावतात. परिश्रमाच्या जोरावर या व्यक्ती अब्जाधीशदेखील होतात. अॅमेझॉनचे संस्थापक जेफ बेजॉस यांची रास मिथुन आहे.
advertisement
5/5
कर्क : या राशीच्या व्यक्ती खूप भावनिक असतात. त्या आपल्या कुटुंबाच्या सुख-सुविधांची पूर्ण काळजी घेतात. कुटुंबाच्या उदरनिर्वाहासाठी भरपूर मेहनत करतात. पैशांच्या बचतीवर त्यांचा जास्त विश्वास असतो. त्यामुळे या व्यक्ती जीवनात खूप श्रीमंत बनतात; मात्र या राशीच्या व्यक्ती खूप अभिमानी असतात. जगातले सर्वांत श्रीमंत म्हणून ओळख असलेले एलॉन मस्क यांची रास कर्क आहे.
मराठी बातम्या/फोटोगॅलरी/राशीभविष्य/
Rich Peoples Horoscope: या आहेत जगातील श्रीमंत लोकांच्या राशी! मेहनतीच्या जोरावर मिळवली कोट्यवधींची संपत्ती