शनिदेव कृपादृष्टी दाखवणार! 2025 च्या शेवटपर्यंत 5 राशी श्रीमंत होणार, बक्कळ पैसा मिळणार

<strong>मुंबई :</strong> वैदिक ज्योतिषशास्त्रानुसार 2025 हे वर्ष अनेक दृष्टिकोनातून महत्त्वपूर्ण मानले जात आहे. या वर्षी प्रमुख ग्रहांच्या हालचालींमध्ये मोठे बदल झाले आहेत. त्यापैकी सर्वात महत्त्वाचा बदल म्हणजे शनिदेवांचा राशीप्रवेश. मार्च 2025 मध्ये शनिदेवांनी गुरुची मीन रास गाठली आणि या बदलाचा परिणाम सर्व राशींवर दिसू लागला. आता वर्षाचा शेवट जवळ येत असताना, काही निवडक राशींवर शनिदेवांची विशेष कृपा होणार असल्याचे ज्योतिषी सांगत आहेत.

शनि ग्रहाचे स्थान आणि प्रभाव शनि हा ग्रह संथ गतीने चालतो आणि एका राशीत सुमारे अडीच वर्षे राहतो. त्यामुळे त्याचा शुभ-अशुभ प्रभाव दीर्घकाळ जाणवतो. 29 मार्च 2025 रोजी शनिदेव मीन राशीत प्रवेश करून 3 जून 2027 पर्यंत तिथेच स्थिरावतील. यामुळे काही राशींवर साडेसातीची सुरुवात तर काहींवर साडेसातीचा शेवट होणार आहे. तरीदेखील, 2025 च्या अखेरीस काही राशींना शनीचे आशीर्वाद लाभणार आहेत.

<strong>कर्क रास -</strong> कर्क राशीच्या लोकांसाठी हा काळ विशेषतः फायदेशीर ठरणार आहे. वर्षाच्या अखेरीस शनि आणि शुक्र या राशीच्या आठव्या घरात एकत्र येणार आहेत. या संयोगामुळे आर्थिक स्थितीत मोठी वाढ होईल. दीर्घकाळापासून प्रलंबित असलेली कामे पूर्ण होण्याची शक्यता आहे. व्यावसायिकदृष्ट्या महत्त्वाचे यश आणि स्थिरता मिळेल.

<strong>तूळ रास -</strong>   तूळ ही शनीची उच्च राशी मानली जाते. त्यामुळे शनिदेव या राशीच्या लोकांवर सदैव दयाळू असतात. 2025 च्या अखेरीस तूळ राशीच्या लोकांना करिअरमध्ये प्रगती, मान-सन्मान आणि स्थिरता मिळेल. कुंडलीत शनि योग्य स्थानावर असल्यास, मोठी भरभराट होण्याची चिन्हे आहेत.

<strong>धनु रास -   </strong>धनु राशीचा स्वामी गुरू असून शनी आणि गुरू यांच्यात मैत्रीपूर्ण संबंध आहेत. त्यामुळे शनीची साडेसाती असतानाही धनु राशीच्या लोकांना नुकसानाऐवजी फायदा होतो. 2025 च्या अखेरीस धनु राशीच्या लोकांना करिअरमध्ये मोठ्या संधी, आर्थिक स्थैर्य आणि कुटुंबात आनंद लाभेल.

<strong>मकर रास - </strong>  मकर ही शनीची स्वगृही रास आहे. त्यामुळे शनिदेव या राशीच्या लोकांवर नेहमीच प्रसन्न राहतात. या वर्षाच्या शेवटी मकर राशीच्या लोकांना मेहनतीचे योग्य फळ मिळेल. अडथळे दूर होतील आणि करिअर तसेच आर्थिक क्षेत्रात प्रगती दिसून येईल. शनीची पूजा केल्यास या काळात अधिक चांगले परिणाम मिळतील.

<strong>कुंभ रास -</strong>   कुंभ रास देखील शनीची आवडती रास आहे. या राशीच्या लोकांना आर्थिक समृद्धी आणि यश नेहमीच सहज मिळते. 2025 च्या अखेरीस कुंभ राशीच्या लोकांना पैशाची कमतरता जाणवणार नाही. नोकरी-व्यवसायात यशस्वी कामगिरी होईल आणि समाजात प्रतिष्ठा वाढेल.