Clutch or Brake: क्लच की ब्रेक सर्वात आधी काय दाबायचं? गाडीचं मायलेज वाचवण्यासाठी काय आहे योग्य पद्धत

कार चालवताना क्लच आणि ब्रेक यांचा योग्य वापर हा सुरक्षित ड्रायव्हिंगसाठी आणि वाहनाच्या दीर्घकाळ टिकण्यासाठी अत्यंत महत्त्वाचा आहे. पण भारतातील बहुतांश चालकांना जवळजवळ 99 टक्के लोकांना गाडी स्लो करताना आधी क्लच दाबावा की ब्रेक, याबाबत नीट माहिती नसते. याच चुकीमुळे केवळ मायलेज कमी होत नाही, तर इंजिनच्या आयुष्यावरही परिणाम होतो.

ड्रायव्हिंग शिकताना क्लच आणि ब्रेक यांचा परफेक्ट कॉम्बिनेशन समजून घेणे गरजेचे आहे. हे एकदा समजलं की गाडीवर कंट्रोल ठेवणे अधिक सोपे होते. मात्र, चालू गाडीमध्ये आधी क्लच की ब्रेक या प्रश्नात अनेकजण गोंधळतात.

आता हे लक्षात घ्या की गाडी हायवेवर आणि शहरातील ट्राफिकमध्ये चालवताना क्लच आणि ब्रेकचे वेगवेगळे नियम आहेत.

हायवेवर ड्रायव्हिंग करतानागाडीची स्पीड जास्त असते. अशावेळी गाडीचा वेग कमी करायचा असेल तर आधी ब्रेक दाबा, त्यानंतर क्लच दाबून स्पीडप्रमाणे गिअर कमी करा. म्हणजेच, हायवेवर ब्रेक आधी, मग क्लच ही योग्य पद्धत आहे.

शहरातील ट्रॅफिकमध्येबंपर-टू-बंपर ट्रॅफिकमध्ये गाडीचा वेग कमी असतो. येथे जर आधी ब्रेक दाबलात तर गाडी बंद होऊ शकते. त्यामुळे अशा वेळी आधी क्लच दाबा आणि मग गरजेनुसार ब्रेक वापरा.

सुरक्षित ड्रायव्हिंगसाठी नेहमी सीट बेल्ट लावा, रस्त्याचे नियम पाळा आणि मोबाईलचा वापर टाळा. योग्य पद्धतीने ब्रेक आणि क्लचचा वापर केल्यास गाडीचे मायलेज आणि इंजिनची कार्यक्षमता टिकवून ठेवता येते.