2026 ला स्वत:च्या कारमध्ये फिरा! मायलेज 34 किमी आणि किंमतही 5 लाखांच्या आत, 5 बेस्ट Car

केंद्र सरकारने जीएसटीच्या दरात कपात केल्यानंतर ऑटो इंडस्ट्रीमध्ये मोठे परिणाम पाहण्यास मिळाले. कार आणि एसयूव्हीच्या किंमती चांगल्याच कमी झाल्या आहे. मागील दोन महिन्यात कार आणि बाइकच्या खरेदीत विक्रमी वाढ झाली आहे. जर तुम्ही नियमित ऑफिसला असेल किंवा व्यावसायिक असाल तर तुमच्यासाठी ५ अशा स्वस्तात मस्त गाड्या आहे, ज्या तुम्ही आताही खरेदी करू शकतात. या गाड्या बजेट फ्रेंडली असून मायलेजमध्येही किंग आहे.

Maruti Suzuki S-Presso - भारतातील सर्वात मोठी कार उत्पादक कंपनी असलेल्या मारुती सुझुकीच्या अनेक अशा कार आहे, ज्या दमदार मायलेजसाठी ओळखल्या जातात. यामध्ये यादीत  Maruti Suzuki S-Presso ही पहिली कार स्वस्तात मस्त आहे. ही एक मायक्रो एसयूव्ही प्रकारात येते. Maruti Suzuki S-Presso ची किंमत आता फक्त  3.49 लाख रुपये इतकी आहे.

या गाडीचा लूक हा SUV सारखा आहे आणि 180 मिमी इतका ग्राउंड क्लियरेन्स आहे. त्यामुळे छोट्या सगमेंटमध्ये ही एक वेगळी कार आहे. Maruti Suzuki S-Presso मध्ये 1.0-लिटर पेट्रोल इंजिन आहे जे 66 PS पॉवर आणि 89 Nm टॉर्क जनरेट करतो. Maruti Suzuki S-Presso चं CNG व्हर्जन सुद्धा आहे, जे 33 किमी इतकं मायलेज देतं.

Maruti Suzuki Alto K10 - या यादीत मारुतीची आणखी एक कार आहे.  Alto K10 ही भारतात मध्यमवर्गीय फॅमिलीमध्ये चांगलीच लोकप्रिय आहे. या कारची सुरुवाती किंमत फक्त 3.69 लाख रुपये आहे. या कारचं डिझाइन आणि मायलेज दोन्ही बेस्ट असंच आहे.

या कारमध्ये 1.0-लिटर K10B इंजिन दिलं आहे जे  67 PS ची पॉवर देते. या शिवाय या कारचं CNG मॉडल सुद्धा आहे जे 33.85 किमी इतकं मायलेज देतं. या कारमध्ये पॉवर विंडो, डिजिटल इंस्ट्रूमेंट क्लस्टर आणि हायर वेरिएंट्समध्ये  6 एअरबॅग्सचा पर्याय आहे. 

Renault Kwid - तिसऱ्या क्रमांकावर येते Renault Kwid. ही एक एसयूव्हीचा लूक देणारी छोटी कार आहे. Renault Kwid ची किंमत  4.29 लाख रुपयांपासून सुरू होते. Renault Kwid मध्ये SUV-इन्स्पायर्ड डिझाईन आणि 184 मिमी ग्राउंड क्लियरन्स सारखेच फिचर्स आहे.

Renault Kwid मध्ये 1.0-लिटर इंजिन आहे जे   68 PS ची पॉवर आणि 91 Nm टॉर्क जनरेट करतो. Kwid च्या मायलेजबद्दल बोलायचं झालं तर Renault Kwid ही  22 किमी इतकं मायलेज देते.  

Maruti Suzuki Celerio - मारुती सुझुकीची Maruti Suzuki Celerio ही सुद्धा भारतात सर्वाधिक विक्री होणारी कार आहे. या कारची किंमत  4.69 लाख रुपयांपासून सुरू होते. या कारमध्ये  1.0-लिटर पेट्रोल इंजिन दिलं आहे. जे  67 ps पॉवर आणि 89 Nm टॉर्क जनरेट करतो. Maruti Suzuki Celerio मध्ये  CNG व्हर्जन सुद्धा उपलब्ध आहे. जे  34 किमी इतकं मायलेज देते. त्याामुळेच Maruti Suzuki Celerio ही एक मायलेज किंग कार म्हणून पाहिली जाते. Maruti Suzuki Celerio मध्ये क्लायमेट कंट्रोल, 7-इंच टचस्क्रीन, मोठा बूट स्पेस आणि  डुअल एअरबॅग्स सारखे प्रीमियम फिचर्स आहे. 

 Tata Tiago - तर, पाचव्या नंबरवर टाटा मोटर्सच्या दणकट अशा Tata Tiago चा नंबर लागतो.  Tata Tiago ही एक दमदार आणि सेफ अशी कार म्हणून ओळखली जाते. Tata Tiago ची किंमत आता 4.57 लाख रुपयांपासून सुरू होते. या Tata Tiago मध्ये 1.2-लिटर Revotron इंजिन दिलं आहे, जे  86 PS ची पॉवर आणि 113 Nm टॉर्क जनरेट करतो.

Tata Tiago ही पेट्रोल आणि CNG अशा दोन्ही व्हेरियंटमध्ये उपलब्ध आहे. Tata Tiago चं मायलेज पेट्रोलवर 23 आणि सीएनजीमध्ये 26 किमी इतकं आहे. Tata Tiago मध्ये 7-इंच टचस्क्रीन, Harman साउंड सिस्टम, ESP सारखे फिचर्स आहे. या सेगमेंटमध्ये Tata Tiago ही एकमेव अशी 4-स्टार ग्लोबल NCAP सेफ्टी रेटिंग मिळवणारी कार आहे.