पावसाळ्यात कारच्या विंडशील्डवर फॉग? मग AC चालू करायचा की नाही? इथे मिळेल उत्तर

पावसाळा म्हटलं की थंडावा, हिरवाई आणि सुंदर नजारे मन मोहून टाकतात. अशात लोकांना कार घेऊन फिरायला जायला, गरम-गरम चहा, भज्जी, मक्का खायला आवडते. पण याच ऋतूमध्ये गाडी चालवताना चालकांना सर्वात मोठी अडचण भेडसावते ती म्हणजे विंडशील्डवर बसणारा फॉग. समोरचा रस्ता नीट न दिसल्यामुळे अपघाताचा धोका वाढतो. त्यामुळे हा फॉग दूर करण्यासाठी नेमकं काय करावं, हा प्रश्न अनेक वाहनधारकांना पडतो.

गाडीच्या आत आणि बाहेरच्या तापमानातील फरकामुळे काचांवर धुक्याची पुटं बसतात. साधारणपणे गाडीच्या आत उष्णता जास्त असते आणि बाहेर थंडावा असतो. या तापमानातील फरकामुळे ओलसर हवेमुळे विंडशील्डवर फॉग तयार होतो.

यावर उपाय अगदी सोपा आहे, गाडीचं AC सुरू करावं. मात्र AC फक्त सुरू करणं पुरेसं नाही, तर त्याचं योग्य सेटिंग वापरणं आवश्यक आहे. AC चं "defogger" मोड चालू करा किंवा हवा थेट विंडशील्डकडे वळवा. यामुळे काचांवर बसलेली ओलावा त्वरीत नाहीसा होतो.

काही लोकांना वाटतं की AC बंद ठेवल्याने फॉग पटकन निघेल, पण खरं तर उलटं होतं. AC न लावल्यास आतली आर्द्रता वाढते आणि फॉग अधिक जाडसर होतो. त्याऐवजी AC आणि ब्लोअर योग्य वेळी सुरू केल्यास धुके काही क्षणांत नाहीसं होतं.

तज्ज्ञांच्या मते, पावसाळ्यात गाडीच्या काचांवर फॉग आला तर AC सुरू करा, "defogger" मोड वापरा आणि आवश्यक असल्यास खिडकी किंचित खाली करून हवा खेळू द्या. यामुळे ड्रायव्हिंग सुरक्षित आणि आरामदायी होतं.

थोडक्यात सांगायचं तर पावसाळ्यात विंडशील्डवर फॉग आल्यानंतर AC सुरू करणं हीच योग्य पद्धत आहे.