Maruti Ertiga चा पडेल विसर, दिवाळीला घरी आणा सगळ्यात स्वस्त SUV, मायलेजही 27 किमी!

जीएसटीच्या दरात कपात झाल्यामुळे सध्या कार आणि एसयूव्हीच्या किंमतीत कपात झाली आहे. त्यातच दिवाळीचा सण आल्यामुळे वाहन खरेदीसाठी झुंबड उडाली आहे. कारच्या किंमतीत कमी झाल्याच आहे, पण यामध्ये एसयूव्हीच्या किंमतीही कमालीच्या कमी झाल्या आहेत. दक्षिण कोरियन कंपनी Hyundai ची Exter ही फॅमिली एसयुव्ही आणखी स्वस्त झाली आहे. विशेष म्हणजे, Hyundai Exter मायलेजच्या बाबतीत मारुती सुझुकीला टक्कर देते.

Hyundai Exter SUV सेगमेंटमध्ये पहिली अशी कार आहे, ज्यात व्हॉइस इनेबल्ड इलेक्ट्रिक सनरूफ आहे. कारमध्ये ड्युएल डॅशकॅम, सहा एअरबॅग्ज, ऑटोमॅटिक क्लायमेट कंट्रोल, वायरलेस चार्जर, टीपीएमएस, थ्री पॉइंट सीटबेल्ट यांसारखी फीचर्स बेस व्हॅरिएंटमध्ये सुद्धा दिले आहे.

Hyundai Exter मध्ये 1.2 लिटरचं नॅचरली अॅस्पिरेटेड पेट्रोल इंजिन आहे. हे इंजिन कमाल 81bhp पॉवर तर 114Nm टॉर्क जनरेट करतं. कंपनीने या कारचा सीएनजी पर्यायदेखील उपलब्ध करून दिला आहे. सीएनजीमध्ये हे इंजिन 68bhp पॉवर आणि 95Nm टॉर्क जनरेट करतं.

Hyundai Exter मध्ये ७ व्हॅरिएंट्स आहे. त्यात ईएक्स, ईएक्स (ओ), एस, एस (ओ), एसएक्स, एसएक्स (ओ), आणि एसएक्स (ओ) यांचा समावेश आहे.

Hyundai कंपनी या एसयूव्हीवर 3 वर्षांची अनलिमिटेड किलोमीटर वॉरंटी देते. त्यासोबत सात वर्षांच्या एक्स्टेंडेड वॉरंटीचा पर्यायसुद्धा उपलब्ध आहे. ही मायक्रो एसयूव्ही सहा मोनोटोन आणि तीन ड्युएल टोन एक्स्टीरियर पेंटमध्ये उपलब्ध आहे.

Hyundai Exter ची एक्स शोरूम किंमत 6.13 लाख रुपये होती. आता जीएसटीच्या दरात कपात झाल्यानंतर या एसयूव्हीची किंमत ५. ६८ लाखांपासून सुरू होते. कंपनी आणखी ४५ हजारांचे बेनिफिट्स सुद्धा दिले आहे. टॉप मॉडेलची किंमत ही १० लाखांपर्यंत आहे.

Hyundai Exter CNG : CNG पॉवरट्रेन पर्याय Hyundai Exter ला लॉन्च झाल्यापासून उपलब्ध आहे. सिंगल-पेन सनरूफसह त्याच्या SX CNG प्रकारातील Exeter ची किंमत 9.06 लाख रुपये, एक्स-शोरूम आहे.

मायलेजच्या बाबतीत बोलायचं झालं तर Hyundai Exter पेट्रोल व्हॅरिएंटमध्ये 19.4 किलोमीटर मायलेज देते. तर सीएनजी व्हेरियंटमध्ये ही एसयूव्ही 27.1 किलोमीटर मायलेज देते. जे की मारुती एर्टिगापेक्षा जास्त आहे.