7 मिनिट 46 मिनिटं, हनिमूनच्या या गाण्याने थिएटरमध्ये लावली आग, झोप उडवणारा अमिताभ बच्चन यांचा रोमान्स

बॉलिवूडमध्ये 'हनिमून'च्या थीमवर आधारित अनेक गाणी रिलीज झाली आहेत. या गाण्यांमध्ये नुकतंच लग्न झालेल्या जोडप्यांचा रोमान्स, जवळीक आणि केमिस्ट्री दाखवण्यात आली आहे. पण यातील एका गाण्यासमोर आजच्या मॉर्डन काळातील अनेक रोमँटिक आणि बोल्ड गाणीदेखील फिकी पडतील.

22 वर्षांपूर्वी रिलीज झालेल्या 7 मिनिट 46 सेकंदाच्या एका गाण्यात लग्नाच्या सर्व विधींपासून ते हनिमूनपर्यंतची झलक दाखवण्यात आली आहे. प्रेम, भावना, जवळीक ते एकमेकांबद्दलची ओढ अशा अनेक भावनांचं या गाण्यात मिश्रण करण्यात आलं आहे. आजही हे गाणं वाजलं की अनेकांना धडधडायला लागतं.

हनिमूनचं हे गाणं रिलीज होऊन तीन दशक ओलांडले असले तरी आजही अनेक मॉर्डन गाण्यांना हे गाणं मागे टाकतं. 1992 मध्ये आलेल्या 'खुदा गवाह' या फिल्ममधील हे 'तू मुझे कबूल' हे गाणं आहे. या फिल्ममध्ये अमिताभ बच्चन आणि श्रीदेवी यांची लव्हस्टोरी दाखवण्यात आली होती. आजही हे गाणं अनेकांना मंत्रमुग्ध करतं.

'तू मुझे कबूल' या गाण्यातील अमिताभ बच्चन यांचा गंभीरपणा आणि श्रीदेवी यांची निरागसता प्रेक्षकांचं लक्ष वेधून घेते. दोघांची रोमँटिक केमिस्ट्री प्रेक्षकांच्या विशेष पसंतीस उतरते. त्यामुळे हे गाणं फक्त बॉलिवूडचं रोमँटिक साँग नव्हे तर कायम स्मरणार राहणारं मधुचंद्राचं गाणं ठरलं आहे.

'खुदा गवाह' या 1992 मध्ये रिलीज झालेल्या ब्लॉकबस्टर फिल्ममध्ये 'तू मुझे कबूल' या गाण्यात अमिताभ बच्चन आपल्यापेक्षा 20 वर्षांनी लहान असलेल्या श्रीदेवीसोबत ऑन-स्क्रीन रोमान्स करताना पाहायला मिळाले होते. क्लासिकल आणि इमोशनल अंदाजातील त्यांच्या रोमान्सने स्क्रीन व्यापून टाकली होती.

'तू मुझे कबूल' या गाण्याला मोहम्मद अजीज आणि कविता कृष्णमूर्ती यांनी आवाज दिला होता. तर लक्ष्मीकांत-प्यारेलाल या जोडीने या गाण्याला संगीत दिलं होतं. अफगानिस्तानमधील सुंदर लोकेशन्सवर हे गाणं चित्रित करण्यात आलं होतं.

'खुदा गवाह' या फिल्ममध्ये अमिताभ बच्चन आणि श्रीदेवी हे कलाकार मुख्य भूमिकेत होते. त्यांच्यासह नागार्जुन, डॅनी डेंगजोंग्पा, किरण कुमार, शिल्पा शिरोडकर आणि विक्रम गोखले हे कलाकारदेखील महत्त्वाच्या भूमिकेत होते. 5.7 कोटी रुपयांच्या बजेटमध्ये निर्मिती करण्यात आलेल्या या फिल्मने बॉक्स ऑफिसवर 17 कोटी रुपयांची कमाई केली.