Pune SPPU Jobs: पुणे विद्यापीठात नोकरीची सुवर्णसंधी; प्राध्यापक पदाच्या 111 जागा, लगेच करा अर्ज

या भरती प्रक्रियेमध्ये एकूण १११ पदांचा समावेश आहे. त्यामध्ये ४७ पदे सहायक प्राध्यापक, ३२ पदे सहयोगी प्राध्यापक आणि उर्वरित ३२ पदे प्राध्यापक या संवर्गातील आहेत. विद्यापीठातील अनेक विभागांमध्ये गेल्या काही वर्षांपासून शिक्षकांची पदे रिक्त असल्याने शैक्षणिक कामकाजावर ताण येत होता, या पार्श्वभूमीवर राज्य सरकारने या भरतीला मान्यता दिली आहे. उमेदवारांची निवड ही विद्यापीठ अनुदान आयोग (UGC) आणि राज्य शासनाच्या निकषांनुसार केली जाणार आहे. यासाठी नेट/सेट किंवा पीएचडी यांसारखी शैक्षणिक पात्रता अनिवार्य आहे. मुदतवाढीचा हा निर्णय प्रामुख्याने तांत्रिक अडचणींमुळे किंवा कागदपत्रांच्या उपलब्धतेमुळे अर्ज करू न शकलेल्या उमेदवारांचा विचार करून घेण्यात आला आहे. इच्छुक उमेदवारांनी अधिकृत संकेतस्थळावरून या अर्जाची प्रक्रिया विहित वेळेत पूर्ण करावी, असे आवाहन विद्यापीठ प्रशासनाकडून करण्यात आले आहे.