रील ते रिअल, 90s चं हिट मराठी कपल, आता पहिल्यांदाच मालिकेतही एकत्र

अप्रतिम टायमिंग, गोड केमिस्ट्री आणि भावनिक सादरीकरणाने प्रेक्षकांची मनं जिंकणारी जोडी म्हणजे अभिनेते अशोक सराफ आणि निवेदिता सराफ. या जोडीला आजवर आपण सिनेमाच्या मोठ्या पडद्यावर आपण एकत्र पाहिलं आहे. दोघांच्या जोडीने अनेक ब्लॉकबस्टर सिनेमे दिलेत.

हीच जोडी आता तुमच्या घरी येणार आहे. अशोक सराफ आणि निवेदिता सराफ पहिल्यांदाच एकत्र टेलिव्हिजनवर दिसणार आहे. लवकरच दोघे एकाच मालिकेत दिसणार आहे. 

अशोक सराफ आणि निवेदिता यांनी त्यांच्या हसऱ्या केमिस्ट्रीपासून ते भावनिक प्रसंगांपर्यं प्रत्येक वेळेस हृदयाला भिडणारे क्षण प्रेक्षाकंना दिले आहेत.  त्यांचं हे सुंदर नातं पुन्हा एकदा 'अशोक मा.मा.' या मालिकेमधून छोट्या पडद्यावर खुलणार आहे. अशोक सराफ आणि निवेदिता सराफ पहिल्यांदाच एकत्र एकाच मालिकेत दिसणार आहेत. 

या मालिकेत निवेदिता सराफ या मालिकेत निवेदिता ही भूमिका साकारणार आहेत. उत्साही, आत्मनिर्भर आणि अविवाहित स्त्रीची भूमिका आहे. त्या स्वतःचा 'संस्कार वर्ग' चालवतात.

पण निवेदित यांचा संस्कार वर्ग हा पारंपरिक चौकटीत बसलेले नाही. दया,आत्मविश्वास आणि सर्जनशीलतेने भरलेला त्यांचा संस्कार वर्ग आहे.  त्या मुलांना कथा, कला आणि हास्याच्या माध्यमातून जीवनमूल्यं शिकवतात.

अशोक मा.मा. जेव्हा इरा आणि इशान या त्यांच्या नातवंडांना या वर्गात आणतात, तेव्हा त्यांना एका शिस्तप्रिय, पारंपरिक शिक्षिकेची अपेक्षा असते. पण समोर एक वेगळीच स्त्री येते जी आधुनिक विचारांची, पण मुळाशी असलेली.

तिची मोकळी, हटके शिकवण्याची पद्धत मामांचे ठाम विचार हादरवून टाकते. आता हळूहळू दोघांमधील चकमकीतून यांचं नातं कोणतं वळण घेणार ? मालिकेत कळेलच.

अशोक सराफ यांच्याबरोबर मालिकेत काम करण्याबाबत बोलकाना निवेदिता म्हणाल्या, "मला खूप दिवसांपासून प्रेक्षक विचारात होते तुम्ही आणि अशोक सराफ एकत्र कधी काम करणार आहात. तर बऱ्याच दिवसांपासून माझी देखील इच्छा होती त्यांच्यासोबत काम करायची. मला खरंच खूप आवडतं त्यांच्याबरोबर काम करायला."

"माझे सर्वात आनंदाचे दिवस असतात जेव्हा मी त्यांच्यासोबत काम करते. खूपकाही शिकायला मिळतं. बऱ्याच वर्षांनी संधी मिळाली आहे मला हि, आता लवकरच अशोक मा.मा. या मालिकेत माझी एंट्री होणार आहे. यामधील खास गोष्ट म्हणजे छोट्या पडद्यावर आमची जोडी पहिल्यांदाच दिसणार आहे. मी खूप उत्सुक आहे, खात्री आहे तुम्हाला देखील आवडेल."