Bigg Boss Marathi 6 : RB च्या चेहऱ्यावर फुललं हसू! घरातील शेवटचा कॅप्टन काटा ग्रुपमधील, कोण आहे तो?

बिग बॉस मराठी 6 च्या घरात शेवटच्या कॅप्टन्सीपदासाठी लढत झाली. शेवटच्या कॅप्टनचा मान मिळवण्यासाठी घरातील सदस्यांनी धडपड केली. अखेर आता शेवटचा कॅप्टन कोण त्याचा नाव समोर आलं आहे.

कॅप्टन्सीपदासाठी काटा ग्रुपमधील तन्वी, दिपाली, रेवा आणि टोळी गँगमधील अनुश्री, सागर या सगळ्यांमध्ये लढत झालेली पाहायला मिळाली.

बिग बॉस मराठी 6 च्या घरातील शेवटचा कॅप्टन हा काटा ग्रुपमधील आहे. त्याचं नाव समोर आलं आहे. सोशल मीडियावरही त्याच्या नावाची चर्चा आहे.

आता काटा ग्रुपमध्ये तन्वी, दिपाली आणि रेवा आहे. त्यांच्यापैकी एक जण कॅप्टन झाला आहे आणि यामुळे राकेशच्या चेहऱ्यावर हसू फुललं आहे.

बिग बॉस मराठी 6 च्या घरातील शेवटच्या कॅप्टन्सीपदाचा मान मिळवला आहे तो रेवा कौरासेने. जी वाइल्ड कार्ड एंट्री म्हणून आली होती. तिला वाइल्ड कार्ड म्हणून सतत हिणवलं गेलं.

सुरुवातीचे 17 स्पर्धक आणि त्यानंतर 4 वाइल्ड कार्ड एंट्री, असा बिग बॉस मराठीचा सहावा सीझन ज्यात आता फक्त 8 स्पर्धक उरले आहेत. यामध्ये अनुश्री, राकेश, तन्वी, सागर, दिपाली, रेवा, विशाल, राखी यांचा समावेश आहे. आता या सीझनचा विजेता कोण होणार याकडे सगळ्यांचं लक्ष लागलं आहे.

तसंच बिग बॉस मराठी 6 चा फिनाले कधी होणार हा प्रश्नही चाहत्यांना पडला आहे. मिळालेल्या माहितीनुसार, या सीझनचा ग्रँड फिनाले 19 एप्रिल 2026 रोजी म्हणजेच रविवारी पार पडणार आहे.