Ruchita Jamdar : 'वडिल डिलिव्हरी बॉय, मी लोकांच्या लग्नात नाचायचे', BBM6 फेम रुचिता जामदारच्या आयुष्याची Emotional Story

बिग बॉस मराठी 6 सुरू झालं आहे. घरात एक सौ एक स्पर्धक सहभागी झाले आहेत. प्रत्येक स्पर्धक हा एका वेगळ्या बँकग्राऊंडमधून आला आहे. 17 स्पर्धकांमध्ये एक धाकड घरात गेली आहे ती म्हणजे रुचिता जामदार. कोल्हापूरचा ठसका असलेली रुचिता पहिल्या दिवसापासून फुल अँक्टिव मोडमध्ये आहे.

दुसऱ्या एपिसोडमध्ये रुचिता तिच्या वडिलांच्या आठवणीत इमोशनल झाल्याचं पाहायला मिळालं होतं. बिग बॉसमध्ये येण्याच्या दिवशी ती तिच्या वडिलांना भेटू शकली नाही याची तिला खंत वाटत होती.

रुचितासाठी तिचे वडिल आणि संपूर्ण कुटुंब खूप महत्त्वाचं आहे. लहानपणापासून अपार कष्ट आणि मेहनत करून रुचिता इथपर्यंत पोहोचली आहे. आज ती जी काही आहे ते तिच्या कुटुंबामुळे आहेत. रुचिताची स्ट्रगल स्टोरी डोळ्यात पाणी आणणारी आहे.

रुचिताचे बाबा स्विगी डिलिव्हरी करतात. तर रुचिताची सुरुवात ही लग्नांमध्ये डान्स करण्यापासून झाली होती. एका मुलाखतीत बोलताना तिनं सांगितलं, "माझे बाबा स्विगीची डिलिव्हरी करतात. आता मी बॅकग्राऊंड डान्सिंगमधून सुरू केली. लोकांच्या लग्नात दिवे घेऊन, फुलं घेऊन उभे असतात, फुल उधळतात, मोठ्या समई घेऊन एन्ट्री करतात हे करायला मी जायचे."

"माझा प्रवास तिथून सुरू झाला आहे. काही पैशांसाठी लोकांच्या लग्नात मी डान्स केला आहे. ते पैसे, आईकडून घेतलेले थोडे पैसे घेऊन आम्ही एक ऑटो रिक्षा काढली आहे."

"माझे बाबा दिवसभर माझ्या मागे असतात. दिवसभर ते मला सांभाळत ऑटो चालवतात आणि रात्री स्विगी डिलिव्हरी करतात. जिथे जातात तिथे ते सगळ्यांना सांगतात की माझी मुलगी या चॅनेलवर आहे, बघा. मला खूप डिएम्स येतात."

रुचिताने पुढे सांगितलं, "मला लहान भाऊ आहे. तो अंडर नाइन्टिन पुण्यातून क्रिकेट खेळायचा. त्यानेसुद्धा माझ्यासाठी सगळं सॅक्रिफाइज केलं. तो म्हणाला, तुम्ही ताईला घडवा कारण क्रिकेट खूप खर्चिक खेळ आहे. मी माघार घेतो. देवाच्या कृपेने माझे नातेवाईकही खूप चांगले आहेत."

"मी कोल्हापूरची आहे पण संपूर्ण शिक्षण पुण्यात झालंय. रोडिज केलं आहे. दिवसभर शिकायचे, वेगवेगळे क्लासेस करायचे. घरच्यांनी उधार पैसे घेतले पण माझ्या क्लासच्या फी भरल्या आहेत."

रुचिता जामदार ही 'मी होणार सुपरस्टार'ची फर्स्ट रनरअप आहे. तिने 'रोडिज'मध्ये सहभाग घेत तो सीझन गाजवला आहे. ती 'डान्स महाराष्ट्र डान्स'ची विनर आहे.