Dhurandhar: हिरो म्हणून फ्लॉप, Villain बनून दाखवला जलवा! Negative Roles ने चमकवलं बॉलिवूड सुपरस्टार्सचं नशीब

मुंबई: बॉलिवूडमध्ये हिरो म्हणून यशस्वी होणे हे प्रत्येक अभिनेत्याचे स्वप्न असते, पण काही कलाकार असे आहेत, ज्यांना हिरोच्या नव्हे तर व्हिलनच्या भूमिकेने खरी ओळख दिली आणि त्यांच्या करिअरचा नकाशाच बदलून टाकला!

नकारात्मक भूमिका साकारून हे कलाकार रातोरात स्टार बनले आणि त्यांची गणना वर्सेटाईल अभिनेत्यांमध्ये होऊ लागली. चला, पाहूया कोणत्या अभिनेत्यांना त्यांच्या ग्रे-शेड भूमिकांनी सुपरस्टार बनवले!

शाहरुख खान: सध्या किंग खान म्हणून ओळखल्या जाणाऱ्या शाहरुखच्या नशिबी सुरुवातीला फ्लॉप चित्रपटांची मालिका आली होती. पण १९९३ मध्ये 'बाजीगर' आणि 'डर' या दोन चित्रपटांतील सायको व्हिलनच्या भूमिकेने त्याला सुपरस्टार बनवले. रोमान्स किंग बनण्यापूर्वी त्याने सिद्ध केले की तो कोणत्याही प्रकारची भूमिका करू शकतो.

सैफ अली खान: आतापर्यंत सोफेस्टिकेटेड आणि रोमँटिक हिरो म्हणून ओळखल्या जाणाऱ्या सैफ अली खानने 'ओमकारा' मध्ये साकारलेला धूर्त 'लंगडा त्यागी' आजही प्रेक्षकांच्या लक्षात आहे. या भूमिकेने त्याला केवळ गंभीर अभिनेता म्हणून सिद्ध केले नाही, तर त्याला राष्ट्रीय पुरस्कारही मिळवून दिला.

प्रियांका चोप्रा: मिस वर्ल्डचा किताब जिंकलेली प्रियांका चोप्रा २००४ मध्ये आलेल्या 'ऐतराज' चित्रपटात 'सोनिया रॉय' या महत्त्वाकांक्षी आणि खतरनाक व्हिलनच्या भूमिकेत दिसली. तिच्या करिअरमधील हा एक मोठा टर्निंग पॉइंट ठरला. या भूमिकेमुळे ती बोल्ड आणि कॉम्प्लेक्स भूमिका साकारण्यास सक्षम आहे हे सिद्ध झाले.

जॉन अब्राहम: मॉडेलिंगमधून अभिनयात आलेल्या जॉन अब्राहमला खरी ओळख मिळाली ती २००४ च्या 'धूम' मधून! 'कबीर शर्मा' नावाचा स्टायलिश आणि चाणाक्ष चोर म्हणून तो प्रेक्षकांना इतका आवडला की, जॉनचा करिअरचा आलेखच वाढला आणि तो अॅक्शन हिरो म्हणून लोकप्रिय झाला. शाहरुखच्या पठाण या सिनेमातही त्याने व्हिलनची भूमिका अतिशय चोख बजावली.

मनोज बाजपेयी: मनोज बाजपेयी यांना 'सत्या' धील गँगस्टर 'भिकू म्हात्रे' या भूमिकेने बॉलिवूडमध्ये भक्कम स्थान मिळवून दिले. त्यांचा 'मुंबई का किंग कौन?' हा डायलॉग आजही खूप लोकप्रिय आहे.

संजय दत्तने 'अग्निपथ' च्या रिमेकमधील 'कांचा चिन्ना' या क्रूर व्हिलनच्या भूमिकेत जीव ओतला. यानंतर त्याची व्हिलन म्हणून एक वेगळी प्रतिमा तयार झाली. सध्याच्या घडीला सिनेमामध्ये व्हिलन म्हणून संजय दत्त असेल, तर तो सिनेमा बॉक्स ऑफिसवर धुमाकूळ घालणार हे नक्की. नुकतंच संजय दत्त धुरंधर मध्ये दिसला. त्याच्या या चित्रपटातील भूमिकेचेही खूप कौतुक होत आहे.

आर. माधवनने 'शैतान' आणि 'टेस्ट' मध्ये साकारलेल्या नकारात्मक भूमिकांनी त्याची अभिनय क्षमता पुन्हा एकदा सिद्ध केली आहे.

आशुतोष राणाने 'संघर्ष'मध्ये साकारलेल्या छद्मी 'लज्जा शंकर पांडे'सारख्या भूमिकांनी 'सर्वोत्कृष्ट व्हिलन' म्हणून सलग पुरस्कार जिंकले.

बॉबी देओलने 'ॲनिमल'चित्रपटामध्ये व्हिलनची भूमिका साकारून त्याची इमेज पूर्णपणे बदलली आणि या भूमिकेसाठी त्याचे खूप कौतुकही झाले. या जबरदस्त यशानंतर, त्याला अनेक आगामी चित्रपटांमध्ये नकारात्मक भूमिका मिळत आहेत.

यापूर्वी, त्याने 'आश्रम' या वेब सीरिजमध्येही 'बाबा निराला' हा निगेटिव्ह रोल साकारला होता, जो खूप गाजला. बॉबी देओल आता 'कंगुवा', थलापति विजयचा चित्रपट 'जननायकन', अहान पांडेचा चित्रपट 'अल्फा' मध्ये व्हिलन म्हणून दिसणार आहे.

बॉलिवूड अभिनेता अक्षय खन्ना सध्या सर्वत्र 'धुरंधर' चित्रपटातील आपल्या भूमिकेमुळे चर्चेचा विषय बनला आहे. आदित्य धर दिग्दर्शित या चित्रपटात त्याने 'रेहमान डकैत' या पाकिस्तानी गुन्हेगार आणि राजकारण्याची भूमिका साकारली आहे. विशेष म्हणजे, या चित्रपटात तो खलनायक असूनही सध्या रणवीर सिंहपेक्षाही त्याची क्रेझ पाहायला मिळतेय.

२०२५ मध्ये अक्षय खन्नाने आपल्या अभिनयाने पुन्हा एकदा सिद्ध केले आहे की तो किती प्रतिभावान आहे. वर्षाच्या सुरुवातीला 'छावा'मध्ये विकी कौशलसोबत त्याने औरंगजेबाची भूमिका केली आणि आता 'धुरंधर'मध्ये रणवीर सिंग, आर. माधवन, संजय दत्त यांच्यासारख्या कलाकारांसोबत तो खलनायक म्हणून चमकला आहे.

अशाप्रकारे बॉलिवूडमध्ये 'हिरो' म्हणून अपयशी ठरलेल्या अनेक कलाकारांना 'व्हिलन'चा टॅग मिळाला आणि तोच त्यांच्या सुपरस्टारडमचा खरा आधार बनला!