घटस्फोटाच्या चर्चांदरम्यान छोट्या पडद्यावरील प्रसिद्ध अभिनेत्री रुग्णालयात दाखल, या आजाराचा करतेय सामना

छोट्या पडद्यावरील लोकप्रिय अभिनेत्री माही वीज सध्या आपल्या वैयक्तिक आणि व्यवसायिक आयुष्यामुळे चर्चेत आहे. माही वीज आण जय भानुशाली काही दिवसांपासून आपल्या घटस्फोटाच्या चर्चांमुळे चर्चेत आहेत. एकीकडे माही जयकडून घटस्फोटाची मोठी रक्कम घेत असल्याचं म्हटलं जात होतं. दुसरीकडे माहीच्या एका जवळच्या मित्राने या अफवांना खोटे ठरवले.

'नच बलिए 5' फेम माही विजनेही एक व्हिडीओद्वारे या दाव्यांचे खंडन केले. अशातच आता माही विजची प्रकृती खालावली असून तिला रुग्णालयात दाखल करण्यात आले आहे. माहिची प्रकृती अचानक खालावल्याने चाहते सोशल मीडियाच्या माध्यमातून तिच्या प्रकृतीत लवकरात लवकर सुधारणा व्हावी यासाठी प्रार्थना करत आहेत.

वायरल भयानीने दिलेल्या माहितीनुसार, माही वीज तीव्र ताप आणि अशक्तपणामुळे रुग्णालयात दाखल आहे. अभिनेत्रीच्या प्रकृतीबाबत अद्याप अधिक माहिती समोर आलेली नाही.

माहीच्या जवळच्या व्यक्तीने दिलेल्या माहितीनुसार,"माहीला भयंकर ताप आला असून ती प्रचंड अशक्त झालेली नाही. डॉक्टर आता काही तपासण्या करतील".

माहीने काही तासांपूर्वी सोशल मीडियावर एक फोटो शेअर केला होता. या फोटमध्ये तिने स्वेटर वगैरे घातलेलं पाहायला मिळालं. त्यासोबत तिने औषधांचा फोटोदेखील शेअर केला होता. फोटो शेअर करत तिने आजारी असल्याचं लिहिलं होतं". एकंदरीतच या फोटोमध्ये माही खूप आजारी दिसत होती.

माहीने आपल्या युट्यूब चॅनलवर आपल्या वैयक्तिक आयुष्याबाबत भाष्य केलं. माही आपला पती जय भानुशालीकडून मागितलेल्या 5 कोटी रुपयांच्या घटस्फोटभरपाईबद्दलही बोलली. तिने स्पष्ट केलं की ज्या महिला आर्थिकदृष्ट्या सक्षम आहेत, त्यांनी घटस्फोटानंतर आपल्या जोडीदारावर अवलंबून राहण्याऐवजी स्वतः काम करावं. तिने हेही अधोरेखित केलं की ज्या महिला गृहिणी आहेत आणि आर्थिकदृष्ट्या अवलंबून आहेत, त्यांच्यासाठी भरपाई योग्य आहे.

माही विज लवकरच 'सहर' या मालिकेच्या माध्यमातून तब्बल 9 वर्षांनी छोट्या पडद्यावर कमबॅक करण्यास सज्ज आहे.