पहिलाच सिनेमा अन् झाला नॅशनल क्रश! ऐश्वर्या रायसोबत केला रोमान्स, आता कुठे आहे Tum Bin फेम अभिनेता?

2001 चा सुपरहिट चित्रपट 'तुम बिन' मध्ये प्रियांशू चॅटर्जीने जेव्हा एका लव्हर बॉयची भूमिका केली होती, तेव्हा मुली त्याच्यासाठी वेड्या झाल्या होत्या. पहिल्याच चित्रपटात तो नॅशनल क्रश ठरला होता.

हा चित्रपट बॉक्स ऑफिसवर यशस्वी झाला. तो ऐश्वर्या राय आणि बिपाशा बसू यांच्यासोबतही दिसला. आता कुठे आहे हा अभिनेता? करतो काय?

प्रियांशू चॅटर्जीचा 'तुम बिन' हा चित्रपट अजूनही सर्वोत्तम रोमँटिक चित्रपटांपैकी एक मानला जातो. संदली सिन्हा, हिमांशू मलिक, राकेश बापट आणि प्रियांशू चॅटर्जी यांनी या चित्रपटात प्रमुख भूमिका केल्या. वीस वर्षांनंतर कलाकारांचे लूक चांगलेच बदलले आहेत. 

प्रियांशू चॅटर्जीच्या साधेपणा आणि निरागसता चाहत्यांना आवडली. 2003 मध्ये अर्जुन रामपाल अभिनीत 'दिल का रिश्ता' या चित्रपटात प्रियांशूने एकदा ऐश्वर्या रायच्या पतीची भूमिका केली होती. या चित्रपटात ऐश्वर्या रायसोबत प्रियांशूची केमिस्ट्री चांगलीच गाजली होती. चित्रपटातील गाणीही हिट झाली होती. या चित्रपटातील अभिनेत्याच्या अभिनयाचेही खूप कौतुक झाले होते.

प्रियांशूने त्याच्या कारकिर्दीत अनेक हिट चित्रपटांमध्ये काम केले आहे. तो जुही चावला आणि शाहरुख खानच्या 'भूतनाथ'मध्येही अमिताभच्या मुलाची भूमिका साकारत होता. बिपाशा बसूच्या 'माधोशी'मध्ये एका सद्गुणी तरुणाच्या भूमिकेसाठी त्याचं कौतुक झालं होतं. 

प्रियांशू चॅटर्जीबद्दल बोलायचे झाले तर तो अजूनही चित्रपटसृष्टीत काम करतोय. अनेक चित्रपट आणि वेब मालिकांमध्ये काम करूनही तो अजूनही तुम बिनमधील त्याच्या भूमिकेसाठी ओळखला जातो.

नुकताच तो माधुरी दीक्षितच्या 'मिसेस देशपांडे' या सीरिजमध्ये दिसला होता. यात त्याने एका पोलीस अधिकाऱ्याची भूमिका केली होती.