सलमान खान ते स्मृती मानधना, वेडिंग कार्ड छापलं पण मोडलं लग्न, या सेलिब्रिटींची अधुरी राहिली प्रेम कहाणी

भारतीय क्रिकेटर स्मृती मानधनाचं नुकतंच लग्न मोडलं. स्मृतीचं लग्न मोडल्याने सर्वांनाच मोठा धक्का बसला. पण स्मृतीप्रमाणेच बॉलिवूडच्या अनेक सेलिब्रिटींचंही वेडिंग कार्ड छापल्यानंतर ठरलेलं लग्न मोडलं आहे.

बॉलिवूडमधील अनेक जोडप्यांची लव्हस्टोरी यशस्वी झाली असून ते विवाहबंधनात अडकले आहेत. यातील अनेक जोडपी अनेकांसाठी आदर्श आहेत. पण काही बॉलिवूड सेलिब्रिटींचं मात्र ठरलेलं लग्न काही ना काही कारणाने अगदी शेवटच्या टप्प्यात मोडलं आहे.

सलमान खान आणि संगीता बिजलानी (Salman Khan Sangeeta Bijlani) : सलमान खान आणि संगीता बिजलानी अनेक वर्षे एकमेकांना डेट करत होते. रिपोर्टनुसार, दोघांची लग्नपत्रिकाही तयार झाली होती. पण काही कारणाने लग्नाआधीच त्यांच्या नात्यात दुरावा आला.

स्मृती मानधना आणि पलाश मुच्छल (Smriti Mandhana Palash Muchhal) : बॉलिवूडचा म्युझिक कंपोझर आणि भारतीय महिला क्रिकेटर स्मृती मानधना यांच्या लग्नाची चर्चा काही दिवसांपासून सुरू होती. लग्नाच्या दिवशी स्मृतीच्या वडिलांची तब्येत बिघडल्याने त्यांचं लग्न पुढे ढकण्यात आल्याचं सांगण्यात आलं. पण नंतर स्मृतीने सोशल मीडियाच्या माध्यमातून लग्न मोडल्याचं जाहीर केलं. विशेष म्हणजे स्मृती आणि पलाश यांच्या शाही लग्नसोहळ्यासाठी जगभरातील अनेक मंडळी आली होती. त्यांचे लग्नाआधीचे विधीदेखील पार पडले होते.

अभिषेक बच्चन आणि करिश्मा कपूर (Abhishek Bachchan Karishma Kapoor) : अभिषेक बच्चन आणि करिश्मा कपूर यांचा साखरपुडा झाला होता. पण साखरपुड्यानंतर काही महिन्यांतच त्यांच्यात दुरावा आला आणि ते एकमेकांपासून विभक्त झाले. अभिषेक-करिश्मा यांच्या वेगळं होण्याने चाहत्यांना मोठा धक्का बसला होता.

रश्मिका मंदाना आणि रक्षित शेट्टी (Rashmika Mandanna Rakshit Shetty) : रश्मिका मंदाना आणि रक्षित शेट्टी यांचा साखरपुडा झाला होता. पण साखरपुड्यानंतर त्यांनी आपलं नातं संपवण्याचा निर्णय घेतला. रश्मिकाचा आता विजय देवरकोंडासोबत साखरपुडा झाला असून लवकरच ते विवाहबंधनात अडकणार आहेत.

करिश्मा तन्न आणि उपेन पटेल (Karishma Tanna Upen Patel) : 'बिग बॉस'मधील लोकप्रिय जोडपं उपेन पटेल आणि करिश्मा तन्न यांनी 'नच बलिए' या रिअॅलिटी शोमध्ये एकत्र काम केलं होतं. त्यांच्या लव्हस्टोरीची इंडस्ट्रीत चांगलीच चर्चा झाली. पण त्यांची ही लव्हस्टोरी अधुरीच राहिली.