रितेश देशमुख, अंकिता वालावलकर ते अजित दादा; सूरजच्या लग्नाला कोणी-कोणी पाठ फिरवली?
- Published by:Manjiri Pokharkar
Last Updated:
Suraj Chavan : सूरज चव्हाणचं ग्रँड वेडिंग नुकतचं पार पडलं आहे. सूरजच्या लग्नाचे फोटो आणि व्हिडीओ सोशल मीडियावर व्हायरल होत आहेत.
advertisement
1/8

सूरज चव्हाण नुकताच संजना गोफणेसोबत लग्नबंधनात अडकला आहे. सूरजच्या लग्नाचे फोटो आणि व्हिडीओ सोशल मीडियावर व्हायरल होत आहेत. कडक बंदोबस्त, 50 बॉडीगार्ड आणि हजारो चाहत्यांच्या उपस्थितीत सूरजने लग्न केलं आहे.
advertisement
2/8
सूरजच्या लग्नात जान्हवी किल्लेकरने दिलेला शब्द पाळला. 'बिग बॉस मराठी'च्या दरम्यान जान्हवी सूरजला म्हणाली होती,"तुला जेव्हा माझी गरज असेल तेव्हा मी हजर असेन". त्याप्रमाणे लाडक्या भावाच्या लग्नात करवली म्हणून मिरवायला जान्हवी हजर होती.
advertisement
3/8
सूरजच्या हळदीला 'बिग बॉस मराठी'च्या पाचव्या पर्वातील DP दादा अर्थात धनंजय पवारदेखील उपस्थित होते. 'परदेशी गर्ल' इरिनादेखील सूरजची हळद एन्जॉय करताना दिसून आली.
advertisement
4/8
सूरज चव्हाणच्या लग्नाला 'बिग बॉस मराठी'चा होस्ट रितेश देशमुखने पाठ फिरवली आहे. 'बिग बॉस मराठी'मुळे रितेश देशमुख आणि सूरज चव्हाणचं एक खास नातं निर्माण झालं होतं. विजेता ठरल्यानंतर त्याची आर्थिक फसवणूक होऊ नये म्हणून रितेशने त्याची मदत केली होती. तसेच सूरजचा 'झापुक झुपूक' या चित्रपटाचा ट्रेलरही रितेशच्या हस्ते लाँच करण्यात आला होता. पण पत्रिकेत नाव असूनही रितेश देशमुख या लग्नाला उपस्थित नव्हता. रितेश देशमुख सध्या आगामी चित्रपटाच्या शूटिंगमध्ये व्यस्त आहे.
advertisement
5/8
सूरज चव्हाण आणि अंकिता वालावलकर यांच्यात 'बिग बॉस'च्या घरात बहिण-भावाचं नातं निर्माण झालं होतं. अंकिता अनेकदा सूरजची काळजी घेताना दिसून आली. सूरजच्या लग्नाची शॉपिंगदेखील अंकिताने केली होती. पण भावाच्या लग्नाला पात्र 'कोकण हार्टेड गर्ल' अंकिता वालावलकर उपस्थित नव्हती. अंकिता सध्या नागपूरला दुसऱ्या एका लग्नासाठी गेली आहे.
advertisement
6/8
सूरज चव्हाणने उपमुख्यमंत्री अजित पवार यांना खास भेटून लग्नाचं आमंत्रण दिलं होतं. पत्रिकेतही त्यांचं नाव होतं. लग्नानंतर सूरज चव्हाणने ज्या नव्या घरात गृहप्रवेश केलाय ते घरदेखील अजित दादांनी बांधलं आहे. पण दादांचा बीड दौरा असल्याने ते लग्नाला उपस्थित नव्हते.
advertisement
7/8
सूरजच्या 'झापुक-झुपूक' या चित्रपटाचे दिग्दर्शक केदार शिंदे हेदेखील सूरजच्या लग्नाला उपस्थित नव्हते. सूरज आणि केदार शिंदे यांचं एक खास नातं आहे. पण आगामी चित्रपटाच्या शूटिंगमुळे त्यांना सूरजच्या लग्नाला उपस्थित राहता आलं नाही.
advertisement
8/8
सूरज चव्हाणच्या लग्नपत्रिकेत सुप्रिया सुळे, अशोक सराफ, अक्षय कुमार यांच्यासह संपूर्ण 'बिग बॉस मराठी'च्या पाचव्या पर्वातील स्पर्धकांची नावे लिहिली होती. पण या मंडळींनी सूरजच्या लग्नाला पाठ फिरवलेली पाहायला मिळत आहे.
मराठी बातम्या/फोटोगॅलरी/मनोरंजन/
रितेश देशमुख, अंकिता वालावलकर ते अजित दादा; सूरजच्या लग्नाला कोणी-कोणी पाठ फिरवली?