Kitchen Tips : कांदेपोहे बनवताना पोहे पाण्यात किती वेळ भिजवायचे? शेफने सांगितला परफेक्ट टाइम

कांदेपोहे कित्येक भारतीयांच्या घरातील हा नेहमीचा नाश्ता आहे. ब्रेकफास्टला कांदेपोहे असतातच असतात. अगदी काही मोजक्या साहित्यात झटपट होईल असा हा पोटभर नाश्ता.

पण कांदेपोहे बनवल्यानंतर कधी ते कडक राहतात तर कधी खूपच चिकट किंवा घट्ट होतात, काही जणांचे सुटसुटीत मोकळे कांदेपोहे होतात.

परफेक्ट कांदेपोहे होण्यासाठी ते नीट भिजले पाहिजेत. कांदेपोहे भिजवण्याचा परफेक्ट टाइमिंग एक शेफनेच सांगितला आहे. शेफ कुलदीप यांनी त्यांच्या राणा रेसिपी चॅनेलवर हा व्हिडीओ पोस्ट केला आहे.

शेफने सांगितल्यानुसार कांदेपोहे थंड नाही तर कोमट पाण्यात भिजवायचे. पाण्यात पोहे टाकायचे आणि 30 सेकंदांनी त्यातील पाणी गाळून ते बाजूला ठेवायचे.

आता एकदा अशा पद्धतीने कांदेपोहे बनवून पाहा. तसंच तुम्ही मोकळे, सुटसुटीत कांदेपोहे बनवण्यासाठी काय करता, कोणती ट्रिक वापरता ते आम्हाला आमच्या सोशल मीडियाच्या कमेंट बॉक्समध्ये नक्की सांगा.