Tanning Removal Tips : कडक उन्हामुळे त्वचा काळी पडलीये? टॅनिंग दूर करण्यासाठी 5 घरगुती उपाय ठरतील बेस्ट

हळद आणि बेसनाचा पॅक लावून त्वचेचा टॅन सहज निघू शकतो. यासाठी दोन चमचे बेसन पीठ घेऊन त्यात अर्धा चमचा हळद, एक मोठा चमचा गुलाबजल आणि दूध व्यवस्थित मिक्स करून घ्या. मग टॅनिंग झालेली त्वचा पाण्याने स्वच्छ करून त्यावर ही पेस्ट लावून घ्या. 10 मिनिटे पेस्ट लावून ठेवा आणि मग धुवून टाका. तुम्ही हा पॅक दर दुसऱ्या दिवशी लावू शकता यामुळे त्वचेचे टॅनिंग दूर होते.

त्वचेचे टॅनिंग दूर करण्यासाठी बटाटा उपयोगी ठरू शकतो. बटाट्यात कॅटेकोलेस नावाचं एंजाइम असतं ज्यामुळे त्वचेचा टोन ब्राईट होण्यास मदत होते. टॅनिंग दूर करण्यासाठी तुम्ही तीन कच्चे बटाटे घेऊन त्याची पेस्ट तयार करा. ही पेस्ट टॅन झालेल्या त्वचेवर लावा यामुळे काही दिवसात त्वचा पुन्हा ब्राईट होते.

अधिकतर हात, पाय, मान आणि चेहऱ्याची त्वचा उन्हामुळे अधिक टॅन होऊ लागते. तेव्हा हे टॅन दूर करण्यासाठी तुम्ही दही आणि हळद लावू शकता. दह्यामध्ये असलेले प्रोबायोटिक्स आणि हळदीत असलेले अँटी इंफ्लेमेटरी गुण त्वचेची चमक परत आणण्यासाठी मदत करतात. यासाठी तुम्ही एका वाटीत थंड दही आणि एक चिमूटभर हळद घेऊन मिक्स करा. ही पेस्ट त्वचेवर साधारणपणे 20 मिनिटे लावा. तुम्ही आठवड्यातून दोनदा ही पेस्ट त्वचेवर लावू शकता.

टोमॅटो लाइकोपीनने भरपूर असून हे एक प्रकारे नैसर्गिक सनस्क्रीम आहे. यात अँटीऑक्सीडेंट असून उन्हात काळी पडलेली त्वचा पुन्हा उजळ होण्यासाठी मदत करते. जेव्हा तुम्ही बाहेरून टॅन होऊन येता तेव्हा लगेचच टोमॅटो कापून ते टॅन झालेल्या त्वचेवर लावल्यास टॅनिंग दूर होण्यास मदत होते.

कच्च दूध टॅनिंग दूर करण्यासाठी उपयोगी ठरते. तुम्ही कच्च्या दुधात हळद आणि लिंबू मिक्स करून नॅचरल टॅन रिमूव्हर तयार करू शकता. याने टॅन झालेल्या जागेवर मसाज केल्याने त्वचेवरील टॅन दूर होते. दुधात नैसर्गिकपणे क्लींजिंग गुण आढळतात ज्यामुळे टॅन रिमूव्ह होऊ शकतो. (सदर मजकूर हा इंटरनेटवर लिहिलेल्या माहितीच्या आधारे आहे. तेव्हा त्वचेवर कोणतीही गोष्ट लावण्यापूर्वी पॅच टेस्ट करून घ्या, तसेच डॉक्टरांचा सल्ला देखील घेणे आवश्यक आहे.)