Gajar Halwa : न किसता गाजरचा हलवा कसा बनवायचा? सोपी आणि चवदार पद्धत

हिवाळ्याचे दिवस सुरू झाले की घराघरात गाजरचा हलवा हमखास बनतो. गाजर, दूध, तूप आणि साखर यांच्यापासून बनलेला पारंपरिक गोड पदार्थ केवळ चवीलाच नाही तर आरोग्यासाठीही फायदेशीर मानला जातो. साधारणपणे हलवा करताना गाजर किसण्याची प्रक्रिया थोडी वेळखाऊ आणि कटकटीची वाटते, त्यामुळे अनेकजण हलवा बनवायचा विचारच पुढे ढकलतात.

पण फार कमी लोकांना माहीत आहे की गाजर न किसताही अतिशय मऊ, रसाळ आणि चवदार हलवा सहजपणे बनवता येतो. या पद्धतीत गाजर आधी शिजवून मग कुस्करले जातात, त्यामुळे वेळही वाचतो आणि हातालाही जास्त मेहनत लागत नाही. विशेष म्हणजे या हलव्याची चव आणि सुगंध पारंपरिक किसलेल्या हलव्याइतकाच अप्रतिम लागतो.

सणासुदीला, पाहुण्यांसाठी किंवा अचानक गोड खायची इच्छा झाली तरी ही सोपी पद्धत प्रत्येकाच्या उपयोगाची ठरते. कमी साहित्य, कमी कष्ट आणि खात्रीशीर चव म्हणूनच आज आपण पाहणार आहोत न किसता गाजरचा हलवा बनवायची सोपी आणि चवदार पद्धत.

साहित्यगाजर - 4 ते 5 मध्यम (सोललेली, गोल काप किंवा छोटे तुकडे)दूध - 1 ते 1½ कपसाखर किंवा गूळ - अर्धा कप (चवीनुसार)तूप - 2 टेबलस्पूनवेलची पूड - अर्धा टीस्पूनकाजू, बदाम, मनुका - थोडेसे

प्रथम गाजर सोलून त्याचे छोटे तुकडे किंवा जाड गोल काप करून घ्या. कढईत किंवा जाड बुडाच्या पातेल्यात गाजर आणि दूध एकत्र घालून मध्यम आचेवर शिजायला ठेवा. दूध हळूहळू आटत जाईल आणि गाजर पूर्ण मऊ होतील. गाजर मऊ झाल्यावर मॅशरने किंवा चमच्याने ती थोडी कुस्करून घ्या. आता साखर किंवा गूळ घाला आणि नीट ढवळा. साखर घातल्यावर मिश्रण थोडं सैल होईल, पण काही मिनिटांत पुन्हा घट्ट होईल.यानंतर तूप घालून हलवा सतत ढवळत शिजवा. हलवा कढईच्या कडेला सुटू लागला की वेलची पूड आणि सुकामेवा घालून गॅस बंद करा.

खास टिपमिक्सर वापरायचा नसेल तर हाताने कुस्करलेले गाजर हलव्याला घरगुती टेक्स्चर देतातगूळ वापरल्यास हलव्याला खास देशी चव येतेप्रेशर कुकरमध्ये 2 शिट्ट्या देऊनही गाजर पटकन मऊ करता येतात

न किसता बनवलेला गाजर हलवा हा कमी मेहनतीत तयार होणारा, पण चवीला तितकाच भन्नाट असा गोड पदार्थ आहे. सणासुदीला किंवा अचानक गोड खायची इच्छा झाली तरी ही पद्धत नक्की उपयोगी पडेल.