Hingoli: 'शिवशक्ती' लिहून जिच्यावर पोट भरलं, तिच्याच केबिनमध्ये अडकून शिंदेंनी जग सोडलं, हृदयद्रावक घटनेचे PHOTOS

हिंगोलीमधून एक धक्कादायक घटना समोर आली आहे. सेनगाव-जिंतूर महामार्गावर येलदरी धरणाच्या पुलावरून पिकअप व्हॅन नदीत कोसळल्याची घटना घडली. याा दुर्घटनेत चालकाला वेळीच बाहेर न येताा आल्यामुळे पिकअप व्हॅनमध्ये अडकून चालकाचा मृत्यू झाला.

हिंगोलीच्या सेनगाव ते जिंतूरकडे जाणाऱ्या महामार्गावर येलदरी धरणाच्या नजीक अरुंद पुलावरून एक टेम्पो नदीमध्ये कोसळला आहे. आज सकाळी ही घटना उघडकीस आली आहे.

माल वाहतूक करणारी पिकअप व्हॅन येलदरी नदीच्या अरुंद पुलावर जात असताना अचानक चालकाचं नियंत्रण सुटलं आणि पिकअप थेट नदीत कोसळला.

दरम्यान या टेम्पोमध्ये असलेला चालक पाण्यात टेम्पोमध्येच अडकला गेल्याने चालकाचा दुर्दैवी मृत्यू झाला आहे. अंकुश शिंदे असं मयत चालकाचे नाव आहे.

अपघाताची माहिती मिळताच पोलीस आणि अग्निशमन दलाने घटनास्थळी धाव घेतली. अपघातग्रस्त टेम्पो क्रेनच्या साह्याने बाहेर काढत असताना क्रेनची देखील वायर तुटल्या गेली. यात पुन्हा एकदा हा टेम्पो पाण्यामध्ये कोसळला .

क्रेनची केबल तुटल्यामुळे टेम्पो नदीत कोसळला, पण सुदैवाने पुन्हा कुणाला काही दुखापत झाली नाही. घटनास्थळी लोकांनी एकच गर्दी केली होती. अखेरीस ३ तासांच्याा प्रयत्नानंतर चालकाचा मृतदेह बाहेर काढण्यात आला. अपघातग्रस्त पिकअप व्हॅन सुद्धा बाहेर काढण्यात आली आहे.

या अपघातामुळे काही काळ पुलावरची वाहतूक विस्कळीत झाली होती. या अपघातात चालकाचा मृत्यू झाल्यामुळे हळहळ व्यक्त केली जात आहे.