कपाळी चंदनाचा टिळा, अंगावर सोन्याचा लखलखाट, तिकीटासाठी अजितदादांकडे आलेल्या अबोली अक्का आहे तरी कोण?

महापालिकेच्या निवडणुकीत उमेदवारीसाठी मिळावी इच्छुक उमेदवारांनी मुलाखती देण्यास सुरुवात केली आहे. तर दुसरीकडे सोलापूरच्या राजकारणात एका व्यक्तीची चर्चा रंगली असून सगळ्यांचं लक्ष वेधले आहे.

सोलापूरमध्ये अजित पवारांच्या राष्ट्रवादी काँग्रेसच्या इच्छुक उमेदवारांच्या मुलाखती झाल्या. मात्र या मुलाखतीत सर्वात जास्त चर्चा झाली ती 'अबोली अक्कांची'

अबोली अक्कांच्य एन्ट्री जोरदार झाली आहे. अंगभर सोन्याचे दागिने, कपाळावर चंदनाचा टिळा, साडी नेसलेल्या अबोली अक्काने सगळ्यांचे लक्ष वेधले आहे.

सोलापूर महानगरपालिकेसाठी आधी भाजप त्यानंतर राष्ट्रवादी अजित पवार पक्षाच्या नेतृत्वावर विश्वास ठेवत तृतीयपंथी असणाऱ्या अबोली अक्काकडे उमेदवारी मागितली आहे.

रामचंद्र शेठ्ठप्पा मंजेली उर्फ अबोली अक्का यांनी भाजपकडून आधीच उमेदवारी अर्ज दाखल केला होता अवघ्या आठवड्याभरात राष्ट्रवादी अजित पवार यांच्या पक्षाकडून प्रभाग 9 मधून इच्छुक उमेदवार अर्ज दाखल केला.

अबोली अक्का यांनी गळ्यात सोनं घालत सहकाऱ्यांसोबत राष्ट्रवादी काँग्रेस पक्ष कार्यालयात आगमन झालं उपमुख्यमंत्री अजित पवार यांच्या नेतृत्वावर विश्वास ठेवून अबोली आक्का यांनी महानगरपालिकेसाठी उमेदवारी मागितली असल्याचे सांगितले.

वर्षानुवर्षे दुर्लक्षित राहिलेल्या तृतीयपंथी समाजाला मुख्य प्रवाहात आणण्यासाठी अबोली अक्कांना आता निवडणुकीच्या रिंगणात उतरण्यासाठी तिकिट मिळणार का हे पाहणे महत्त्वाचे ठरणार आहे.