ST Bus accident: वरंधा घाटात ST बसला कलंडली; चालकामुळे 35 विद्यार्थी वाचले; अपघाताचे धडकी भरवणारे फोटो

रायगड जिल्ह्यातल्या महाड- भोर रस्त्यातील वरंध घाटात एका एसटी बसचा अपघात घडल्याची माहिती समोर आली आहे.

महाड तालुक्यातील रामदास पठार ते मुंबई ही एसटी बस वरंधमधील माझेरी गावच्या शाळेजवळ घसरून अपघात झाला आहे.

बस चालकाने प्रसंगावधान राखत बस रस्त्याच्या विरुद्ध बाजूस असलेल्या डोंगर भागात नेल्याने मोठी दुर्घटना टळली आहे

या अपघातात कोणतीही जीवित हानी नसली तरी एकूण 30 शाळकरी विद्यार्थी याबसमधून प्रवास करत होते मात्र दैव बलवत्तर हे सर्व विद्यार्थी आणि प्रवाशी सुखरूप बचावले आहेत.

या अपघातादरम्यान अनेकांना किरकोळ दुखापत झाली असून त्यांना वरंध येथील प्राथमिक आरोग्य केंद्रात दाखल करण्यात आले आहे

अपघातग्रस्त एसटीला काढण्यासाठी स्थानिक पोलिस यंत्रणा आणि रेस्क्यू टीम मदत करत आहेत.

ही एसटी बस नादुरुस्त असल्याचा आरोप प्रवाशांकडून करण्यात येत आहे