Indian Railway: रेल्वे स्टेशनवर WiFi यूज करणं झालंय सोपं! असं मिळवा फ्री इंटरनेट

How to Connect Free Rail Wi-Fi: जेव्हाही आपण ट्रेनने प्रवास करतो तेव्हा आपल्याला नेटवर्क समस्यांचा सामना करावा लागतो. अशा परिस्थितीत काही वेळा महत्त्वाची कामेही मध्येच अडकून पडतात. पण रेल्वेचे फ्री वायफाय मिळाले तर?

असं झाल्यास महत्त्वाचे कामही करता येईल. इंटरनेट यूझर्ससाठी हे खूप महत्वाचे आहे. भारतीय रेल्वे देखील आपल्या प्रवाशांची पूर्ण काळजी घेते आणि आपल्या अनेक स्टेशनवर फ्री वायफाय सुविधा देत आहे.

मात्र या सुविधेचा वापर कसा करायचा, असा प्रश्न प्रवाशांच्या मनात आहे. अशा परिस्थितीत फ्री वाय-फाय कनेक्ट करण्यासाठी तुम्ही या स्टेप्स फॉलो करू शकता.

तुम्ही रेल्वे प्लॅटफॉर्मवर अर्धा तास किंवा त्याहून अधिक वेळ वायफाय कनेक्ट करू शकता. यासाठी Railtel Railwire या नावाने वाय-फाय उपलब्ध करून देण्यात आले आहे. अनेक शहरांमध्ये यासाठी तुम्हाला 10 रुपयांचे पॅक खरेदी करावे लागेल. हा डेटा कसा यूज करायचा पाहूया...

सर्वप्रथम तुमच्या स्मार्टफोनमधील वायफाय सेटिंग्जमध्ये जा. यानंतर रेल्वे नेटवर्क निवडा. यानंतर railwire.co.in या वेबसाइटवर जा. येथे तुमचा मोबाईल नंबर टाका आणि सबमिट करा.

येथे तुमच्या फोनवर OTP येईल. यासह, नेटवर्क पासवर्ड टाका आणि नंतर क्लिक करा. आता तुम्ही Railwire शी कनेक्ट झाला आहात, आता तुम्ही मोफत WiFi चा आनंद घेऊ शकता.

Railwire ची इंटरनेट सेवा फक्त रेल्वे स्टेशनवर उपलब्ध आहे. तुमच्या रेल्वे प्रवासात याचा उपयोग होत नाही. तुम्ही Railwire.co.in वर जाऊन Railwire चे इंटरनेट पॅकेज डिटेल्स मिळवू शकता.तसंच कोणतेही सार्वजनिक वाय-फाय वापरताना खाजगी मोबाइल डेटा लीक होण्याचा धोका नेहमीच असतो.