Navratri 2025: महाराष्ट्राची लालपरी नेणार शक्तिपीठांच्या दारी, नवरात्रीत विशेष बससेवा, तिकीट किती?

पुणे: नवरात्रौत्सवाच्या पार्श्वभूमीवर महाराष्ट्र राज्य परिवहन महामंडळ (एसटी) तर्फे भाविकांसाठी विशेष उपक्रम राबवण्यात आला आहे. पिंपरी-चिंचवड आगारातून साडेतीन शक्तिपीठांच्या दर्शनासाठी खास बससेवा सुरू करण्यात आली आहे. या सेवेसाठी एसटी महामंडळाच्या संकेतस्थळावर ऑनलाइन आरक्षणाची सुविधा उपलब्ध करून देण्यात आली आहे. यामुळे भाविकांना सोयीस्कर प्रवास व सहज दर्शनाचा लाभ घेता येणार आहे, अशी माहिती एसटी प्रशासनाकडून देण्यात आली आहे.