Navratri 2025: नवरात्रौत्सवात पार्किंगचं टेन्शन नाही! अंबाबाई मंदिराजवळ सुरू होणार बहुमजली वाहनतळ!

कोल्हापूर : करवीर निवासीनी अंबाबाई मंदिरात दर्शनासाठी नेहमीच भाविकांची गर्दी असते. मात्र, दूरवरून येणाऱ्या भाविकांना गाड्या पार्किंगसाठी काही वेळा अडचणींचा सामना करावा लागतो. विशेषत: नवरात्री उत्सव काळात मोठ्या संख्येने भाविक अंबाबाईच्या दर्शनाला येतात. तेव्हा भाविकांची गैरसोय टाळण्यासाठी कोल्हापुरात बहुमजली पार्किंग व्यवस्था उभारण्यात आली आहे. नवरात्रौत्सवापूर्वीच हे बहुमजली पार्किंग सुरू होणार असल्याची माहिती प्रशासक के. मंजुलक्ष्मी यांनी दिली.