आताची सर्वात मोठी बातमी! मुंबई हायकोर्टाला बॉम्बने उडवण्याची धमकी, तातडीनं रिकामा केला परिसर

मिळालेल्या माहितीनुसार, हा धमकीचा ई-मेल शुक्रवारी सकाळी आला. या मेलमध्ये कोर्ट बॉम्बने उडवून देण्याची धमकी देण्यात आली. या घटनेची माहिती मिळताच पोलिसांनी तात्काळ पावले उचलली. कोर्ट परिसरातील सर्व कामकाज थांबवून कर्मचाऱ्यांसह लोकांना सुरक्षित ठिकाणी हलवण्यात आले. बॉम्बशोधक आणि नाशक पथक आणि स्थानिक पोलीस पथके घटनास्थळी पोहोचली असून, प्रत्येक कोपऱ्याचा तपास करत आहेत.

स्पेशल सेलने देशभरातून पाच संशयित दहशतवाद्यांना बुधवारी आणि गुरुवारी कारवाई करुन अटक केली होती. त्यांच्याकडून मोठ्या प्रमाणात शस्त्रे आणि स्फोटकेही जप्त करण्यात आली होती. त्यामुळे, या घटनेचा आणि अटक केलेल्या दहशतवाद्यांचा काही संबंध आहे का, याचाही तपास पोलीस करत आहेत. या गंभीर घटनेमुळे मुंबई शहराच्या सुरक्षेवर पुन्हा एकदा प्रश्नचिन्ह निर्माण झाले आहे.

मुंबई पाठोपाठ दिल्ली हायकोर्टालाही उडवून देऊ असा ईमेल आल्याने खळबळ उडाली आहे. दिल्ली हायकोर्टात देखील अलर्ट जारी करण्यात आला आहे. कोर्टाचा परिसर तातडीनं रिकामा करण्यात आला असून तपास सुरू आहे. मुंबईत गुरुवारी शाळेत बॉम्बने उडवून देण्याची धमकी देणारा ई मेल आला होता. त्यानंतर आता हायकोर्टला टार्गेट केलं जात असल्याचं समोर आलं आहे.