Nitin Gadkari : पैसे देऊन माझ्याविरोधात सोशल मीडियावर मोहीम, इथेनॉल आरोपावरून नितीन गडकरींचा आरोप

नवी दिल्ली: सोशल मीडियावरून स्तुतीसुमनं उधळली जातात, तशीच कठोर टीका देखील होत असते. केंद्रीय रस्ते व वाहतूक मंत्री नितीन गडकरी हे सोशल मीडियावर लोकप्रिय असलेले नेते आहेत. मात्र, मागील काही दिवसांपासून त्यांच्यावर टीकेचे बाण सोडले जात आहेत. केंद्रीय मंत्री नितीन गडकरी यांनी सोशल मीडियावर सुरू असलेल्या टीकांवर गंभीर आरोप केला आहे. "ई-20 म्हणजेच 20 टक्के इथेनॉल मिश्रित इंधनाच्या वापराबाबत गेल्या काही दिवसांपासून सोशल मीडियावर नकारात्मक मोहिम राबवली जात आहे. ही मोहीम फक्त इथेनॉलविरोधी नसून, मुद्दाम पैसे खर्च करून माझ्याविरुद्ध चालवली जात आहे," असे गडकरी म्हणाले.