शेअर बाजारात उद्या गुंतवणूकदारांसाठी ट्रेडिंग डे अलर्ट, निवडणुक सुट्टीचा होणार ‘हाय व्होल्टेज’ इम्पॅक्ट; निकालांनी वाढवली धडधड

गुरुवारी शेअर बाजार बंद असल्याने बुधवारच्या बाजार बंदीनंतर आलेल्या या सर्व बातम्यांचा परिणाम आता थेट शुक्रवारच्या सत्रात पाहायला मिळणार आहे. अनेक कंपन्यांनी आपले तिमाही निकाल जाहीर केले असून, काही कंपन्यांनी व्यवसायवाढीशी संबंधित मोठ्या घोषणा केल्या आहेत. या पार्श्वभूमीवर गुंतवणूकदारांचे लक्ष इंफोसिस, आयसीआयसीआय प्रू एएमसी, एचडीबी फायनान्शियल, बीएचईएल, साऊथ इंडियन बँक, जायडस, स्वराज इंजिन्स, बायोकॉन यांच्यासह इतर शेअर्सकडे लागले आहे.

Infosys Ltd. इंफोसिसने आर्थिक वर्ष 2026 साठी आपला महसूल वाढीचा अंदाज वाढवून 3% ते 3.5% असा केला आहे. याआधी हा अंदाज 2% ते 3% इतका होता. डिसेंबर तिमाहीत कंपनीने कॉन्स्टंट करन्सी आधारावर तिमाही दर तिमाही 0.6% वाढ नोंदवली आहे. बाजाराला या तिमाहीत वाढ जवळपास स्थिर राहण्याची अपेक्षा होती. विशेष म्हणजे, पहिल्या तिमाहीत कंपनीने 2.6% आणि दुसऱ्या तिमाहीत 2.2% वाढ दाखवली होती.

HDB Financial Services एचडीबी फायनान्शियलचा शुद्ध नफा वार्षिक आधारावर 36.3% वाढून 644 कोटी रुपये झाला आहे. मागील वर्षी याच कालावधीत हा नफा 472 कोटी रुपये होता. कंपनीची निव्वळ व्याज उत्पन्न (NII) 22.1% वाढून 2,285 कोटी रुपये झाली असून, गेल्या वर्षी ती 1,872 कोटी रुपये होती.

ICICI Prudential AMC आयसीआयसीआय प्रू एएमसीचा शुद्ध नफा वार्षिक आधारावर 45.1% वाढून 917 कोटी रुपये झाला आहे. मागील वर्षी हा नफा 631.8 कोटी रुपये होता. कंपनीची एकूण उत्पन्न 35.2% वाढून 1,623.5 कोटी रुपये झाली आहे, जी मागील वर्षी 1,201 कोटी रुपये होती. कंपनीने प्रति शेअर 14.85 रुपयांचा अंतरिम लाभांश जाहीर केला आहे.

BHEL (भारत हेवी इलेक्ट्रिकल्स) बीएचईएलने वंदे भारत स्लीपर ट्रेन प्रकल्पासाठी सेमी-हाय-स्पीड अंडरस्लंग ट्रॅक्शन ट्रान्सफॉर्मरची सप्लाय सुरू केली आहे. ही बातमी कंपनीसाठी सकारात्मक मानली जात आहे.

South Indian Bank साऊथ इंडियन बँकेचा शुद्ध नफा 0.7% वाढून 374.3 कोटी रुपये झाला आहे, जो मागील वर्षी 371.8 कोटी रुपये होता. बँकेचे निव्वळ व्याज उत्पन्न 1.3% वाढून 880.7 कोटी रुपये झाले आहे. याशिवाय बँकेचा ग्रॉस एनपीए 2.93% वरून 2.67% वर आला आहे, तर नेट एनपीए 0.56% वरून 0.45% पर्यंत घसरला आहे.

Zydus Lifesciences जायडस लाइफसायन्सेसला Eltrombopag Tablets साठी अमेरिकेच्या औषध नियामक संस्था USFDA कडून अंतिम मंजुरी मिळाली आहे. हे औषध काही विशिष्ट प्रकारच्या रक्तविकारांच्या उपचारासाठी वापरले जाते.

DB Corp डीबी कॉर्पचा शुद्ध नफा वार्षिक आधारावर 19.2% घटून 95.5 कोटी रुपये झाला आहे. मागील वर्षी हा नफा 118.2 कोटी रुपये होता. कंपनीचे रेव्हेन्यू 5.8% घटून 605.2 कोटी रुपये झाले असून, EBITDA 23.7% घटून 135.5 कोटी रुपये राहिला आहे. EBITDA मार्जिनही 27.6% वरून 22.4% पर्यंत घसरला आहे.

Swaraj Engines स्वराज इंजिन्सचा शुद्ध नफा 31.6% वाढून 42.1 कोटी रुपये झाला आहे, जो मागील वर्षी 32 कोटी रुपये होता. कंपनीचे रेव्हेन्यू 37% वाढून 473.2 कोटी रुपये झाले आहेत. EBITDA 40.2% वाढून 61.9 कोटी रुपये झाला असून, मार्जिन 12.8% वरून 13.1% पर्यंत वाढले आहे.

Sterling & Wilson स्टर्लिंग अँड विल्सनला या तिमाहीत 2.8 कोटी रुपयांचा शुद्ध तोटा झाला आहे. मागील वर्षी याच कालावधीत कंपनीला 14.83 कोटी रुपयांचा नफा झाला होता. कंपनीचे रेव्हेन्यू 14% वाढून 2,092 कोटी रुपये झाले असले तरी EBITDA 5% घटून 66.9 कोटी रुपये राहिला आहे. EBITDA मार्जिन 3.8% वरून 3.2% वर घसरले आहे.

YES Bank येस बँकेत गेल्या वर्षी मोठी हिस्सेदारी वाढवणाऱ्या आणि सर्वात मोठ्या भागधारक ठरलेल्या SMBC (Sumitomo Mitsui Banking Corporation) ला भारतात पूर्णतः मालकीची कंपनी स्थापन करण्यासाठी RBI कडून तत्त्वतः मंजुरी मिळाली आहे.

Transrail Lighting ट्रान्सरेल लाइटिंगला MENA, आफ्रिका आणि भारतात एकूण 527 कोटी रुपयांचे नवे ऑर्डर मिळाले आहेत.

RailTel रेलटेलला सेंट्रल रेल्वेकडून 88 कोटी रुपयांच्या ऑर्डरसाठी Letter of Acceptance (LoA) प्राप्त झाले आहे.

DLF NCLT ने डीएलएफच्या 16 पूर्ण मालकीच्या उपकंपन्यांच्या विलयासंदर्भातील अमलगमेशन स्कीमला मंजुरी दिली आहे.

RailTel रेलटेलला सेंट्रल रेल्वेकडून 88 कोटी रुपयांच्या ऑर्डरसाठी Letter of Acceptance (LoA) प्राप्त झाले आहे.

Biocon बायोकॉनने QIP (Qualified Institutional Placement) मार्गे 4,150 कोटी रुपयांची इक्विटी फंडरेजिंग यशस्वीरीत्या पूर्ण केली आहे.

Pace Digitek पेस डिजिटेकला बॉण्डाडा इंजिनिअरिंगकडून 375 कोटी रुपयांचा सोलर EPC ऑर्डर मिळाला आहे.

SPARC SPARC ने शांघवी फायनान्सला 600 कोटी रुपयांचे 3.85 कोटी वॉरंट्स जारी करण्यास मंजुरी दिली आहे. शांघवी फायनान्स ही कंपनी प्रमोटर ग्रुपशी संबंधित आहे.

Kolte Patil Developers कोलते पाटीलची सेल्स व्हॅल्यू वार्षिक आधारावर 11% घटून 605 कोटी रुपये झाली आहे. सेल्स व्हॉल्यूम 14% घटून 0.69 मिलियन स्क्वेअर फूट झाला आहे. मात्र, कंपनीचे रिअलायझेशन 4% वाढून 8,726 रुपये प्रति चौरस फूट झाले असून, कलेक्शन 25% वाढून 709 कोटी रुपये झाले आहे.

NITCO निटकोच्या बोर्डाने 16 जानेवारीपासून बिकाश जैन यांची कंपनीचे नवे CFO म्हणून नियुक्ती केली आहे.

TVS Supply Chain टीव्हीएस सप्लाय चेनच्या बोर्डाने 22 जानेवारीपासून विकास चढा यांची ग्लोबल CEO म्हणून नियुक्ती करण्यास मंजुरी दिली आहे.

Shriram Finance श्रीराम फायनमध्ये 98.5% भागधारकांनी MUFG ला शेअर्स जारी करण्याच्या प्रस्तावाला मंजुरी दिली आहे. तसेच 91.9% भागधारकांनी MUFG च्या वन-टाइम पेमेंटला Shriram Ownership Trust च्या बाजूने मंजुरी दिली आहे.