Baramati : तरुणीसह चार शिकाऊ पायलटच्या कारला भीषण अपघात, दोघांचा मृत्यू, अपघातस्थळी हादरवणारं दृश्य

बारामती भिगवण रोडवर टाटा हैरीअर गाडीवरील नियंत्रण सुटल्याने झालेल्या भीषण अपघातात दोन शिकाऊ पायलट जागीच ठार तर एक अति गंभीर जखमी झाले असून आणखी एक जखमी झाला आहे.

भिगवण बारामती रोडवर लामजेवाडी जवळ मध्यरात्री अडीच ते तीन वाजण्याच्या सुमारास हा अपघात झाला. चौघे शिकाऊ विमान पायलट टाटा हैरीअर गाडीतून बारामतीकडून भिगवणकडे जात होते.

अपघातग्रस्त गाडीतील तरुणांनी मद्यपान केलं होतं अशी प्राथमिक माहिती समोर येत आहे. दारुच्या नशेत भरधाव गाडी चालवल्यानं हा अपघात झाल्याचा अंदाज पोलिसांनी वर्तवला आहे.

अपघातात दिल्लीचा दक्षू शर्मा, मुंबईचा आदित्य कणसे यांचा मृत्यू झाला. तर राजस्थानची चेष्टा बिश्नोई आणि बिहारचा कृष्णासून सिंग हा जखमी झाला आहे.

चेष्टाची प्रकृती गंभीर असून तिच्यावर आयसीयूमध्ये उपचार सुरू आहे. अपघातानंतर पोलीस घटनास्थळी दाखल झाले. अपघाताची नोंद पोलिसात करण्यात आलीय.