Team India : भारताच्या 'या' खेळाडूने पाकिस्तानची झोप उडवली,दिवस रात्र त्यालाच सर्च करतायेत

2025 वर्ष जवळपास संपत आलं आहे. त्यामुळे या वर्षात नेमक्या कोणत्या खेळाडूंना गुगलवर सर्वाधिक सर्च करण्यात आलं आहे. याची एक आकडेवारी समोर आली आहे.

या आकडेवारीत एक धक्कादायक माहिती समोर आली आहे.पाकिस्तानमध्ये सर्वाधिक वेळा बाबर आझम किंवा मोहम्मद रिझवान नव्हे तर टीम इंडियाच्या अभिषेक शर्माला सर्च करण्यात आलं आहे.

पाकिस्तानकडून सर्वाधिक सर्च केलेल्या खेळाडूंच्या यादीत अभिषेक शर्मा पहिल्या क्रमांकावर आहे.त्याच्या पाठोपाठ हसन नवाज, इरफान निआजी, साहिबजादा फरमान आणि मोहम्मद अब्बास अशा खेळाडूंना सर्च करण्यात आलं आहे.

याचाच अर्थ पाकिस्तानचे दिग्गज क्रिकेटपटू बाबर आझम आणि मोहम्मद रिझवान,शाहिन आफ्रिदी आणि हॅरीस रौफ यांना फारसं सर्च करण्यात आलं नाही आहे.

खरं तर भारत आणि पाकिस्तान आशिया कपमध्ये आमने सामने आले होते. या स्पर्धेत भारताकडून अभिषेक शर्माने उत्कृष्ट खेळी केली होती.त्यामुळेच त्याला पाकिस्तानमध्ये सर्वाधिक वेळा सर्च केल्याचे समजते.

दरम्यान भारतात सर्वांधिक सर्च केलेल्या खेळाडूमध्ये वैभव सूर्यवंशी आघाडीवर आहे. त्याच्या नंतर प्रियांश आर्या आणि अभिषेक शर्माचा नंबर लागतो.

याच यादीत टीम इंडियाची महिला क्रिकेटर जेमीमा रॉड्रीग्ज आणि आयुष्य म्हात्रेचे देखील नाव आहे.