Mumbai Pune Expressway: मुंबई-पुणे एक्स्प्रेसवर मोठी दुर्घटना, बोगद्याजवळ गॅस लिकमुळे भीतीचं वातावरण; वाहतूक थांबवली, PHOTOS

मुंबई-पुणे एक्स्प्रेस वेवर मोठी दुर्घटना घडली आहे. आडोशी बोगद्याजवळ एक टँकर पलटी झाला आहे. टँकरमध्ये गॅस लिक झाल्यामुळे एकच खळबळ उडाली आहे. तातडीने मुंबई -पुणे एक्स्प्रेसवरील वाहतूक थांबवण्यात आली आहे. गॅस लिंक होत असल्याचं स्पष्ट दिसत आहे.

मुंबई पुणे द्रुतगती मार्गावर आडोशी बोगद्याजवळ संध्याकाळी सव्वा वाजेच्याा सुमारास ही घटना घडली. भरधाव वेगात जाणारा टँकर अचानक पलटी झाला.

उतार असल्यामुळे टँकर अनियंत्रित झाला आणि बोगद्याजवळच पलटी झाला. टँकर पलटी झाल्यामुळे वाहतूक कोंडी झाली. पण, काही क्षणात टँकरमधून गॅस लिक होत असल्याचं लक्षात आलं.

टँकरमध्ये प्रोपोलिन गॅस असून तो लिक झाला आहे. त्यामुळं मुंबईकडे जाणारी वाहतूक बंद ठेवण्यात आलेली आहे.

टँकरमध्ये प्रोपोलिन गॅस आहे, हा गॅस अत्यंत ज्वलनशील असल्याचं सांगितलं जात आहे. त्यामुळे वेळीच खबरदारी घेऊन वाहतूक पोलिसांनी लेनची वाहतूक थांबवली.

ज्याा ठिकाणी टँकर पलटी झाला तिथून काही अंतरावर वाहतूक थांबवण्यात आली होती. त्यामुळे वाहनांच्या लांबच्या लांब रांगा लागल्या.

टँकर बाजूला करण्याचं काम युद्धपातळीवर सुरू आहे. सर्व खबरदारी घेऊन टँकर बाजूला केला जात आहे. टँकर पलटी झाल्यामुळे मात्र दूरपर्यंत गाड्यांच्या रांगा लागल्या आहेत.