आज पहिलं सूर्यग्रहण! 'या' वस्तू दान केल्याने पालटू शकत नशीब, आर्थिक संकटातून होईल कायमची सुटका

आज मंगळवार, 17 फेब्रुवारी 2026 रोजी वर्षातील पहिले सूर्यग्रहण होत आहे. ज्योतिषशास्त्रात ग्रहणाचा काळ हा केवळ खगोलीय घटना नसून तो ऊर्जा परिवर्तनाचा काळ मानला जातो. शास्त्रानुसार, ग्रहणाच्या वेळी केलेले दान हे सामान्य दिवसांच्या तुलनेत हजारो पटीने अधिक फलदायी ठरते.

जर तुमच्या कुंडलीत ग्रहदोष असतील किंवा तुम्ही दीर्घकाळापासून आर्थिक टंचाईचा सामना करत असाल, तर आजच्या दिवशी काही विशेष वस्तूंचे दान केल्याने तुमचे नशीब पालटू शकते. सूर्य आणि राहूच्या युतीमुळे निर्माण झालेला 'ग्रहण योग' शांत करण्यासाठी दानधर्म हा सर्वोत्तम मार्ग मानला गेला आहे.

गुळाचे दान: गुळाचा संबंध सूर्य ग्रहाशी आहे. जर तुमचे पैसे कुठेतरी अडकले असतील किंवा व्यवसायात सतत नुकसान होत असेल, तर आज गुळाचे दान करणे अत्यंत शुभ ठरेल. यामुळे सूर्य देव प्रसन्न होतात आणि तुमच्या कामातील अडथळे दूर होऊन धनप्राप्तीचे मार्ग मोकळे होतात.

गव्हाचे आणि धान्याचे दान: धान्यदान हे सर्वश्रेष्ठ दान मानले जाते. ग्रहण सुटल्यानंतर गरीब किंवा गरजू व्यक्तीला गहू किंवा सप्तधान्य दान करावे. यामुळे घरात कधीही अन्नाची कमतरता भासत नाही आणि गरिबीपासून मुक्ती मिळते.

तांब्याच्या वस्तूंचे दान: तांबे हा सूर्याचा धातू आहे. ग्रहणाने प्रभावित झालेला सूर्य बलवान करण्यासाठी तांब्याचे भांडे किंवा तांब्याचे नाणे दान करणे लाभदायक ठरते. यामुळे समाजात मानसन्मान वाढतो आणि रखडलेली सरकारी कामे पूर्ण होतात.

लाल वस्त्रांचे दान: सूर्यग्रहणादिवशी लाल रंगाचे कपडे दान केल्याने पत्रिकेतील मंगळ आणि सूर्य दोन्ही शुभ फल देऊ लागतात. हे दान केल्याने आत्मविश्वास वाढतो आणि कुटुंबातील सदस्यांचे आरोग्य सुधारते.

काळे तीळ आणि मसूर डाळ: हे ग्रहण कुंभ राशीत होत असल्याने राहू-केतूचा प्रभाव जास्त आहे. अशा वेळी काळे तीळ किंवा मसूर डाळ दान केल्याने 'ग्रहण योगा'चा नकारात्मक प्रभाव कमी होतो. यामुळे अचानक येणारी संकटे आणि अपघातांपासून संरक्षण मिळते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)