Lucky Gemstone: कोणत्या राशींसाठी कोणती रत्ने असतात शुभ; धारण करण्यापूर्वी या गोष्टी पाहून घ्या

माणिक्य रत्न- रत्न शास्त्रामध्ये माणिक्याचे वर्णन सूर्य ग्रहाचे रत्न म्हणून केले आहे, म्हणून ज्योतिषी सूर्याशी संबंधित समस्यांसाठी माणिक्य धारण करण्याचा सल्ला देतात. ज्या लोकांची राशी सिंह, मेष, वृश्चिक, कर्क आणि धनु आहे त्यांच्यासाठी रुबी स्टोन (माणिक्य) शुभ आहे. ज्योतिषशास्त्रानुसार ज्यांची राशी कन्या, तूळ, मकर आणि कुंभ आहेत त्यांनी रुबी धारण करू नये.

पुखराज रत्न- ज्योतिषशास्त्रानुसार पुखराज रत्नाचा संबंध धनु आणि मीन राशीचा स्वामी मानल्या जाणाऱ्या गुरु ग्रहाशी सांगितला आहे. ज्यांच्या कुंडलीत गुरू शुभ स्थितीत असेल त्यांनी पुष्कराज धारण करावा. मेष, कर्क, मिथुन, सिंह, वृश्चिक, धनु आणि मीन राशीच्या लोकांसाठी पुष्कराज शुभ ठरू शकतो. याउलट, ज्या लोकांची लग्न राशी वृषभ, तूळ, मकर आणि कुंभ आहेत त्यांनी ते धारण करणे टाळावे.

पन्ना रत्न (एमराल्ड जेमस्टोन)- ज्योतिषशास्त्रात पन्ना रत्न बुध ग्रहाशी संबंधित असल्याचे सांगितले जाते. ज्या लोकांची राशी मिथुन आणि कन्या आहे, त्यांच्यावर बुध ग्रहाचे अधिराज्य आहे. म्हणूनच या राशीच्या लोकांसाठी पन्ना रत्न फायदेशीर ठरू शकते. ज्योतिषशास्त्रात असं सांगितलं आहे की, ज्यांच्या कुंडलीत बुध मंगळ, शनि, राहू किंवा केतू सोबत असेल किंवा शत्रू ग्रहाची दृष्टी असेल तर अशा स्थितीतही पन्ना रत्न घातला जाऊ शकतो, परंतु ज्या लोकांची लग्न राशी मेष, कर्क आणि वृश्चिक आहे त्यांच्यासाठी शुभ नाही.

मोती- रत्न शास्त्रानुसार, मोती हा चंद्राचा रत्न आहे, जो मनाच्या आणि शीतजन्य समस्यांवर त्वरित कार्य करतो. मेष, कर्क, वृश्चिक आणि मीन राशीसाठी मोती धारण करणे खूप फायदेशीर आहे, परंतु वृषभ, मिथुन, कन्या आणि मकर राशीच्या लोकांनी ज्योतिषाच्या सल्ल्याशिवाय मोती घालू नये. प्रतिमा - कॅनव्हा

कोरल रत्न (प्रवाळ, मूंगा)- कोरल लाल किंवा केशरी रंगाचा असतो, रत्नशास्त्रात त्याला मंगळाचे रत्न म्हणतात. मेष राशीच्या लोकांचा स्वामी मंगळ आहे. अशा परिस्थितीत या राशीच्या राशीच्या लोकांसाठी प्रवाळ परिधान करणे फायदेशीर ठरू शकते. या व्यतिरिक्त ज्यांची राशी वृश्चिक आहे ते देखील कोरल स्टोन घालू शकतात. परंतु कन्या आणि मिथुन राशीच्या लोकांनी हे रत्न घालणे टाळावे. (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)