IND vs ENG : सूर्यकुमार यादवने रचला इतिहास! बनला टीम इंडियाचा नंबर 1 टी-ट्वेंटी कॅप्टन, हिटमॅनलाही टाकलं मागे

टी-20 वर्ल्ड कप 2026 च्या सुपर 8 फेरीतील टीम इंडियाने दमदार कामगिरी केली. शेवटच्या मॅचमध्ये विजय मिळवत सूर्यकुमार यादवने भारतीय क्रिकेटच्या इतिहासात सोनेरी पान लिहिलं आहे.

रविवारी 1 मार्च रोजी झिम्बाब्वे विरुद्ध 5 विकेट्सनी मिळालेल्या या विजयासोबतच सूर्याने भारताचा सर्वात यशस्वी टी-20 कॅप्टन होण्याचा बहुमान मिळवला. यावेळी सूर्यान इतिहास रचला आहे.

सूर्याने या बाबतीत रोहित शर्मा, विराट कोहली आणि महेंद्रसिंग धोनी यांसारख्या महान दिग्गज खेळाडूंना मागं टाकलं आहे. गेल्या दोन वर्षात टीम इंडियाच्या सिरीज चांगल्या राहिल्यात.

सूर्यकुमार यादवने वेस्ट इंडिजविरुद्ध टीम इंडियाचे नेतृत्व करण्यासाठी मैदानात पाऊल ठेवलं आणि 40 वा विजय नोंदवला. प्रत्येक 50 मॅच खेळणाऱ्या कॅप्टनच्या यादीत तो सर्वात यशस्वी कॅप्टन राहिला आहे.

सूर्याकुमारने किमान 50 मॅचेसमध्ये कप्तानी करणाऱ्या खेळाडूंच्या यादीत सूर्याचा विनिंग पर्सेंटेज आता 81.25 इतका झाला असून तो भारताचा नंबर वन कॅप्टन बनला आहे.

या कामगिरीमुळे त्याने रोहित शर्माचा 79.83 टक्क्यांचा जुना रेकॉर्ड मोडीत काढून नवा इतिहास रचला आहे. जागतिक स्तरावर विचार केला तर सूर्यकुमार यादव आता जगातील दुसरा सर्वात यशस्वी टी-20 कॅप्टन ठरला.

भारतातील सर्वात यशस्वी कॅप्टनच्या यादीत तिसऱ्या क्रमांकावर विराट कोहली 64.58 टक्क्यांसह आणि चौथ्या क्रमांकावर 59.28 टक्क्यांसह महान कॅप्टन कूल एमएस धोनीचा समावेश आहे.