IND vs NZ : नागपूरच्या मैदानात पाय ठेवताच सूर्याचा मोठा पराक्रम, रोहित-विराटच्या पंक्तीत मिळवलं स्थान

नागपूरच्या विदर्भ क्रिकेट स्टेडीयमच्या मैदानात भारत आणि न्यूझीलंड यांच्यातील पहिल्या टी20 सामन्याला सूरूवात झाली आहे.

या सामन्यात न्यूझीलंडच्या कर्णधाराने टॉस जिंकून गोलंदाजी करण्याचा निर्णय घेतला होता. त्यामुळे टीम इंडिया प्रथम फलंदाजी करायला उतरली आहे.

प्रथम फलंदाजी करताना टीम इंडियाची सूरूवात खूपच खराब झाली आहे.कारण टीम इंडियाचा सलामीवीर 10 तर ईशान किशन 8 धावा करून बाद झाला होता.

भारताचे हे दोन विकेट पडल्यानंतर सूर्यकुमार यादव फलंदाजीला आला आहे.सूर्याने फलंदाजीला उतरताच मोठा रेकॉर्ड केला आहे.

सूर्यकुमार यादवने टी20 क्रिकेटमध्ये 100 सामने पुर्ण केले आहेत.त्यामुळे टी20 क्रिकेटमध्ये सूर्याने 100 सामने खेळण्याचा रेकॉर्ड पुर्ण केला आहे.

टीम इंडियाकडून याआधी रोहित शर्मा, विराट कोहली आणि हार्दिक पांड्या यांनी 100 हुन अधिक टी20 सामने खेळले आहेत. त्यामुळे सूर्याने या खेळाडूंच्या पंक्तीत स्थान मिळवलं आहे.

सूर्याने पहिल्याच टी20 सामन्यात 32 धावांची खेळी केली आहे.या खेळीत त्याने 1 षटकार आणि चार चौकार मारले आहेत.त्याच्यासोबत अभिषेक शर्मा 35 बॉलमध्ये 84 धावा करून बाद झाला आहे. आणि टीम इंडिया 150 धावांच्या जवळ पोहोटली आहे.