Smriti Mandhana : वैयक्तिक आयुष्यात वादळ, आता क्रिकेटच्या मैदानात स्मृती मानधनाला झटका, नेमकं काय घडलं?

टीम इंडियाची वर्ल्ड कप विजेती स्टार खेळाडू स्मृती मानधना हीने मागच्याच रविवारी पलाश मुच्छल यांच्यासोबत होणार लग्न मोडल्याची माहिती दिली.

स्मृती मानधनाने सोशल मीडियावर पोस्ट शेअर करून याबाबतची माहिती दिली होती. या पोस्टनंतर तिने पुन्हा मैदानात उतरून प्रॅक्टीसला सूरूवात केली आहे.

या दरम्यान लग्नाच्या धक्क्यातून सावरत असताना आता स्मृती मानधनाला आणखीण एक झटका बसला आहे.

स्मृती मानधनाची वनडेच्या बॅटींग रॅकींगमध्ये घसरण झाली आहे. तिच्या जागी साऊथ आफ्रिकेची कर्णधार लॉरा वोल्हार्टने पहिल्या स्थानी झेप घेतली आहे.

खरं तर लॉरा वोल्हार्टने ही तिसऱ्या स्थानी होती.पण आता तिने थेट पहिल्या स्थानी झेप घेतली आहे.त्यामुळे स्मृती मानधनाला एका स्थानाचे नुकसान झाले असून दुसऱ्या स्थानी समाधान मानावे लागले आहे.

साऊथ आफ्रिकेची कर्णधार लॉरा व्होल्वार्ट ही 814 गुणांसह पहिल्या स्थानी आहे. तर स्मृती मानधना ही 811 गुणांसह दुसऱ्या स्थानी आहे.

स्मृती मानधना आता श्रीलंकेविरूद्ध टी20 सीरीजमध्ये खेळताना दिसणार आहे.ही सीरिज 21 ते 30 डिसेंबर दरम्यान खेळवली जाईल, ज्यामध्ये पहिले दोन सामने विशाखापट्टणममध्ये आणि उर्वरित तीन सामने तिरुवनंतपुरममध्ये होतील.