'जेव्हा तुमचं मन एखाद्या...', लग्नाची चर्चा सुरू असताना Kavya Maran चं मोठं वक्तव्य 'माझ्या भावना मी...'

गेल्या काही दिवसांपासून सनरायझर्स हैदराबाद संघाची मालकीण काव्या मारनच्या लग्नाच्या चर्चा सुरू आहेत. काव्या आणि गायक अनिरुद्ध रविचंद्रन सुमारे एक वर्षापासून डेटिंग करत आहेत, अशी माहिती समोर आली होती.

सनरायझर्स हैदराबाद सर्वात तगडा संघ वाटत असताना मालकिन काव्या मारनच्या पदरी अखेर निराशा पडल्याचं दिसून आलं. अशातच आता काव्या मारनने आपल्या भावना व्यक्त केल्या आहेत.

जेव्हा सनरायझर्स हैदराबादचा विषय येतो, तेव्हा माझ्या भावना मी लपवून ठेवत नाही. त्या भावना उघडपणे असतात, असं हैदराबादची मालकीन काव्या मारन फॉर्च्युन इंडियाशी बोलताना म्हणाली.

मला वाटतं जेव्हा तुम्ही तुमचं मन आणि आत्मा एखाद्या गोष्टीत घालता तेव्हा तुम्ही स्वाभाविकपणे त्याच्या यश आणि अपयशांशी खूप संलग्न होता, असंही काव्या मारनने म्हटलं आहे.

मी हैदराबादमध्ये 'मन आणि आत्मा' ओतला आहे आणि मॅचच्या निकालांशी मी 'वैयक्तिकरित्या जोडलेली' असते, ज्याचा प्रसारकांचे कॅमेरामन शोध घेतात आणि कॅप्चर करतात, असंही काव्या म्हणाली.

जेव्हा मी अहमदाबाद किंवा चेन्नईला जाते आणि मी खूप फूट अंतरावर बसते, तेव्हा कुठंतरी, कॅमेरामन मला शोधण्यात यशस्वी होतो. त्यानंतर मिम्स कसे तयार होतात, ते समजतं, असंही काव्या म्हणाली.

दरम्यान, काव्या आयपीएल फ्रँचायझी सनरायझर्स हैदराबादची सीईओ आहे. या संघाच्या सर्व सामन्यांमध्ये काव्या स्टँडमध्ये बसून संघाला पाठिंबा देताना दिसते. काव्या मारनची एकूण संपत्ती 400 कोटी रुपयांच्या जवळपास आहे.