AC खरेदी करताय? अवश्य जाणून घ्या 5 महत्त्वाच्या गोष्टी, अन्यथा होईल पाश्चाताप

उन्हाळा सुरु होताच एसीची डिमांड वेगाने वाढते. याच घाईत अनेक लोक चुकीचा मॉडल नविडतात. याचा परिणाम असा होतो की, विल बिल वाढते. कूलिंग चांगली मिळत नाही आणि मेंटेनेन्स खर्चही वेगळा येतो. एसी खरेदी करणे फक्त किंमतीचं प्रकरण नाही. तर गरज, खोलीचा आकार आणि टेक्नॉलॉजी समजून घेणेही गरजेचे आहे. योग्य माहितीसोबत खरेदी केलेली एसी अनेक वर्षांपर्यंत दिलासा देते. चुकीची निवड खिशावर ओझं टाकू शकते.

खोलीनुसार टनेज निवडा : एसीचा टनेज थेट खोलीच्या आकाराशी संबंधित असतो. लहान एसी मोठ्या खोलीला थंड करू शकणार नाही आणि आवश्यकतेपेक्षा जास्त टनेज असलेला एसी अनावश्यक वीज वापरेल. साधारणपणे, लहान खोलीसाठी 1 टन एसी, मध्यम खोलीसाठी 1.5 टन एसी आणि मोठ्या खोलीसाठी 2 टन एसी सर्वोत्तम मानला जातो. खोलीतील सूर्यप्रकाशाचे प्रमाण आणि तिथे बसलेल्या लोकांची संख्या देखील थंड होण्यावर परिणाम करते. योग्य टनेज निवडणे हा पहिला आणि सर्वात महत्त्वाचा निर्णय आहे. 120 ते 180 चौरस फूट आकाराच्या खोलीसाठी 1.5 टन एसी सर्वोत्तम आहे. यापेक्षा लहान खोलीसाठी 1 टन एसी सर्वोत्तम आहे आणि यापेक्षा मोठ्या खोलीसाठी 2 टन एसी सर्वोत्तम आहे.

स्टार रेटिंगवरुन ठरते वीज बिल : एसीवर लावलेली स्टार रेटिंग फक्त स्टिकर नाही तर खर्चाचा संकेत देते. जास्त स्टार रेटींगचा एसी कमी वीज वापरतो. सुरुवातीला याची किंमत थोडी जास्त वाटू शकते. मात्र दीर्घ काळात विल बीलची बचत स्वस्त पडते. एसी रोज अनेक तास चालवायची असेल तर हाय स्टार रेटिंग मॉडल घेणे समजदारी असेल. कमी स्टारचा AC हा किंमतीत स्वस्त असतो. मात्र वीज खुप खर्च करतो.

इन्व्हर्टर AC की नॉन-इन्व्हर्टर? फरक समजून घ्या : इन्व्हर्टर एसी त्यांच्या कंप्रेसरचा वेग गरजेनुसार अॅडजस्ट करतात, ज्यामुळे वीज बचत होते. नॉन-इन्व्हर्टर एसी वारंवार सायकल चालू आणि बंद करतात, ज्यामुळे वीज वापर वाढतो. वारंवार वापरणाऱ्यांसाठी, इन्व्हर्टर मॉडेलला प्राधान्य दिले जाते. ते आवाज कमी करते आणि अधिक स्टेबल कूलिंग प्रदान करते. तुम्ही तुमचा एसी सतत जास्त वेळ चालवत असाल तर इन्व्हर्टर एसी अधिक फायदेशीर ठरू शकतो.

स्प्लिट की विंडो एसी: कोणता चांगला आहे? : स्प्लिट एसी चांगले दिसतात आणि आवाजात शांत असतात, त्यामुळे ते बेडरूम आणि लिव्हिंग रूमसाठी पसंतीचे असतात. विंडो एसी स्वस्त आणि बसवण्यास सोपे असतात, परंतु ते जास्त आवाज करणारे असू शकतात. जिथे भिंतीवर जागा आणि योग्य बाहेरील सेटअप उपलब्ध असेल तिथे स्प्लिट एसी हा एक चांगला पर्याय आहे. कमी बजेट आणि लहान खोल्यांसाठी विंडो एसी देखील चांगले काम करतात. तुमच्या जागेनुसार आणि गरजांनुसार निवडा. तुम्ही भाड्याच्या घरात राहत असाल तर तुम्ही विंडो एसी निवडू शकता, परंतु जर तुम्ही तुमच्या स्वतःच्या घरासाठी खरेदी करत असाल तर स्प्लिट एसी हा सर्वोत्तम पर्याय असू शकतो.

इंस्टॉलेशन आणि मेंटेनेंस खर्च : एसीच्या किंमती व्यतिरिक्त इंस्टॉलेशन, पाइप, स्टँड आणि वायरिंगचा खर्चही जोडलेला आहे. अनेकदा स्वस्त एसी घेऊन लोक इंस्टॉलेशनमध्ये जास्त पैसा देतात. अशावेळी सर्व्हिस सेंटर आणि वॉरिंटी अटी आधीच समजून घेणे गरजेचे आहे. फिल्टर सफाई आणि रेग्यूलर सर्व्हिस कूलिंग आणि मशीनची लाइफ दोन्ही वाढते. खरेदी करताना एकूण खर्चाचा अंदाज लावणेही समजदारीचं ठरेल.