फोनमधील डिलीट केलेले अ‍ॅप्स चोरताय तुमचा डेटा! लगेच चेंज करा सेटिंग

बऱ्याचदा आपण ऑफर्स किंवा डिस्काउंट मिळवण्यासाठी अनेक प्रकारचे (मोबाइल अ‍ॅप्स) डाउनलोड करतो. मग काम पूर्ण झाल्यानंतर, आपण ते डिलीट किंवा अनइंस्टॉल करतो. पण तुम्हाला हे जाणून आश्चर्य वाटेल की अनइंस्टॉल केल्यानंतरही अ‍ॅप्स तुमचा डेटा अॅक्सेस करत राहतात. येथे आम्ही तुम्हाला फोनमधून ते पूर्णपणे कसे काढून टाकायचे ते सांगणार आहोत. चला जाणून घेऊया...

आज स्मार्टफोन प्रत्येक व्यक्तीची गरज बनला आहे. व्हॉइस आणि व्हिडिओ कॉलिंगसोबतच, तो इंटरनेटशी संबंधित सर्व प्रकारच्या सुविधा प्रदान करतो. त्याच वेळी, यूझर्सचा अनुभव सुधारण्यासाठी, आपण मोबाईलमध्ये अनेक प्रकारचे अ‍ॅप्स डाउनलोड करत राहतो.

अ‍ॅप्स इन्स्टॉल आणि अनइंस्टॉल करताना यूझर्स अनेक गोष्टी लक्षात ठेवतात. परंतु तुम्हाला माहिती आहे का की मोबाईलमधून अनइंस्टॉल केल्यानंतरही काळजी घेतली पाहिजे, कारण अनइंस्टॉल केलेले अ‍ॅप्स तुमचा डेटा अॅक्सेस करत राहतात आणि यामुळे डेटा लीक होण्याचा धोका वाढतो.

कारण अनइंस्टॉल केल्यानंतर आपल्याला अ‍ॅप्स दिसत नाहीत. परंतु ते फोनमधून पूर्णपणे काढून टाकले जात नाहीत आणि आपला गोपनीय डेटा गोळा करत राहतात. असे अ‍ॅप्स फोन सेटिंग्जच्या मदतीने काढून टाकता येतात. ही समस्या कशी सोडवता येईल ते आम्ही तुम्हाला सांगतो.

यासाठी, तुम्हाला मोबाईल फोनच्या सेटिंग्जमध्ये जावे लागेल आणि गुगल ऑप्शनवर क्लिक करावे लागेल. त्यानंतर मॅनेज युअर गुगल अकाउंटवर जा. येथे असलेल्या डेटा अँड प्रायव्हसीवर क्लिक करा.

या दरम्यान, खाली थर्ड पार्टी अ‍ॅप्स अँड सर्व्हिसेसचा ऑप्शन दिसेल. या ऑप्शनवर क्लिक करा, येथे फोनमध्ये असलेले आणि डिलीट केलेले अ‍ॅप्स दिसतील. या यादीतील अन-इंस्टॉल अ‍ॅपवर क्लिक करा.

यानंतर तुम्हाला अ‍ॅक्सेस अँड कनेक्शन डिलीटवर क्लिक करावे लागेल. यानंतर, मोबाईल डेटा शेअरिंग थांबेल.