General Knowledge : असा देश जिथं नववर्षाचं सेलिब्रेशनच नाही, कारण ऐकून विचार करत बसाल!

प्रत्येक देशाचे आपले वेगळे नियम आणि कायदे आहेत. प्रत्येक देशातील लोकांची मान्यता, परंपरा, राहणीमान, नैसर्गिक परिस्थीती या सर्वांवर बऱ्याच गोष्टी अवलंबून असतात.

असाच एक देश जगाच्या पाठीवर आहे. जो सर्व देशांपेक्षा वेगळा आहे. एवढच नाही तर तो न्यू इयर देखील इतर देशांसोबत साजरा करु शकत नाही.

असं का? असा प्रश्न नक्कीच तुमच्या मनात आला असेल, खरंतर यामागचं कारण तुम्हाला आश्चर्यचकीत करु शकतो. चला याबद्दल जाणून घेऊ.

साधारणपणे सर्व कॅलेंडरमध्ये 12 महिने असतात, परंतु आपल्या पृथ्वीवर असा एक देश आहे जिथे वर्षात 12 नाही तर 13 महिने असतात. यामुळेच हा देश जगात सर्वात मागे आहे.

हा देश आहे इथियोपिया. हा आफ्रिकेतील सर्वात सुंदर आणि सुपीक देशांपैकी एक मानला जातो.

इथिओपियाचे कॅलेंडर इतर जगापेक्षा वेगळे आहे. त्यात 13 महिने आहेत. इथिओपियन कॅलेंडर प्राचीन कॉप्टिक कॅलेंडरवर आधारित आहे आणि त्यात प्रत्येकी 30 दिवसांसह 12 महिने आणि 5 किंवा 6 दिवसांचा अतिरिक्त महिना असतो, ज्याला “पगुम” म्हणतात.

ग्रेगोरियन (सामान्य) कॅलेंडरनुसार 11 किंवा 12 सप्टेंबर रोजी “एन्कुटटाश” नावाचे इथिओपियन नवीन वर्ष साजरे केले जाते. त्यामुळे उर्वरित जग 1 जानेवारी रोजी नवीन वर्ष साजरे करत असताना, इथिओपियामध्ये त्यांच्या कॅलेंडरमध्ये तो फक्त एक सामान्य दिवस असेल.

ग्रेगोरियन कॅलेंडरनुसार, महिन्यांची नावे जानेवारी, फेब्रुवारी, मार्च इत्यादी आहेत, परंतु इथियोपियन (गीझ कॅलेंडर) कॅलेंडरमध्ये, महिन्यांची नावे पूर्णपणे भिन्न आणि अद्वितीय आहेत.

इथिओपियन कॅलेंडर ग्रेगोरियन कॅलेंडरपेक्षा 7-8 वर्षे मागे आहे. उदाहरणार्थ ग्रेगोरियन कॅलेंडरमध्ये 2024 असताना ते इथिओपियामध्ये 2016 किंवा 2017 असू शकते.